الماتى وبلىسىندا 15 جاستاعى وقۋشى قۋاتتاعىشتا تۇرعان تەلەفوننان توق سوعىپ مەرت بولدى. قايعىلى جاعداي جامبىل اۋدانىنداعى قارعالى اۋىلىنداعى ٷيلەردٸڭ بٸرٸندە بولعان, دەپ حابارلايدى "ۇلت اقپارات".
«قايعىلى جاعداي 26 قىركٷيەك كٷنٸ تٷنگٸ ساعات 22:00 شاماسىندا بولعان. توق سوعۋ سالدارىنان 15 جاستاعى تۇرعىن مەرت بولدى. الدىن الا بولجام بويىنشا, قىزدىڭ ۇيالى تەلەفونى قۋاتتاعىشتا تۇرعان. قازٸر ارنايى ساراپتاما تاعايىندالدى», - دەلٸنگەن الماتى وبلىستىق پوليتسييا دەپارتامەنتٸ باسپاسٶز قىزمەتٸنٸڭ حابارلاماسىندا.
ەستەرٸڭٸزگە سالا كەتەيٸك, وسىدان بٸر جىل بۇرىن الماتى وبلىسىندا ۇيالى تەلەفونىن جانىندا ۇستاپ ۇيىقتاعان 9 سىنىپ وقۋشىسى قايتىس بولدى.
پوليتسييانىڭ اقپاراتىنا سەيكەس, 14 جاستاعى قىزدى قۋاتتاعىشتا تۇرعان ۇيالى تەلەفوننان توق سوققان. سول كەزدە الماتى وبلىستىق پوليتسييا دەپارتامەنتٸنٸڭ باسپاسٶز قىزمەتٸ 9 سىنىپ وقۋشىسىنىڭ قازاسىنا بايلانىستى قىلمىستىق ٸس قوزعالماعاننىن جەتكٸزدٸ. سەبەبٸ بۇل فاكتٸ وقىس وقيعا رەتٸندە تٸركەلگەن. بٸراق قاراتال اۋدانىنداعى پوليتسييا بٶلٸمٸندەگٸلەر تيٸستٸ تەكسەرۋ جۇمىستارىن جٷرگٸزگەن بولاتىن.
