Erejesiz jekpe-jek sheberi Qýat Hamitovtyń soty keiinge qaldy. Sportshy onlain sot otyrysyna internet arqyly qosyla almady, dep habarlaidy "Ult aqparat".
Almaly aýdandyq sotynyń sýdiasy sportshynyń nege internetke qosyla almaǵanyn surady.
«Sýdia myrza, ol tehnikalyq sebepterge bailanysty qosyla almai jatyr. 20 minýt ótti, men de áreń qosyldym. Internet nashar siiaqty. Protsesti keiinge qaldyrsaq bola ma?», - dep surady sottalýshynyń advokaty.
Prokýror sot protsesin sottalýshynyń qatysýynsyz ótkizýge bolmaitynyn aitty.
Nátijesinde sot otyrysy keiinge qaldyryldy.
Qýat Hamitov QR QK 272 babynyń 3-bólimi boiynsha (bilik ókiline baǵynbaýǵa shaqyrý, jappai quqyqbuzýshylyqqa tartý, arandatý, azamattarǵa kúsh qoldanýǵa shaqyrý) isti bop jatyr. Bas sot talqylaýy Almaly aýdandyq sotynda qaralyp jatyr.
Aita ketý kerek, byltyr qyrkúiekte qazaqstandyq aralas jekpe-jek sheberi Qýat «Naiman» Hamitov politsiia bólimshesine jetkizilgen bolatyn.
Ol áleýmettik jelide bilikke qarsy kúsh qoldanýǵa shaqyrǵan. Atalǵan derek boiynsha Qylmystyq kodekstiń 272-baby 3-bólimimen is qozǵaldy.
