Qýat Hamitov: Ózge elde bolsam, Tóreǵali menen taiaq jeýshi edi

Aralas jekpe-jek sheberi, tanymal qazaqstandyq sportshy Qýat Hamitov Hit TV arnasyna bergen suhbatynda atyshýly ánshi Tóreǵali Tóreáliniń sahnadaǵy ádepsiz qylyǵyn jaqtyrmai, synap tastady, dep habarlaidy NUR.KZ.

Sportshy bul jaǵdai Qazaqstanda emes, shetelde oryn alsa, Tóreǵalidiń «ákesin tanytatynyn» aitady.

«Qazaq – bireýdi túzeitin, tártipke baǵynbaityn halyq emes, keshirimdi, momyn halyq. Sondyqtan, mundai sátte adam ózi oilanýy qajet. Ózi de qarapaiym halyqtan shyqqannan keiin sol halyqpen birge bolý kerek, osyndai jaǵdai arqyly ózin túzeý kerek.

Eger shetelde, basqa halyqtyń arasynda júrsem, bilektiń kúshimen sheshýge bolatyn edi. Biraq Qazaqstanda turǵannan keiin, óz qazaǵyma kúsh kórsete almaimyn», – dedi Hamitov suhbatynda.

Eske salaiyq, "Uly dala balasy" byltyr jeltoqsan aiynda Pavlodardaǵy kontserti kezinde el aldynda ózin renjitken qariiaǵa dóreki sóilep, kezekti ret "minezin" kórsetken bolatyn.

Budan soń birqatar otandyq radiolar onyń ánderin efirden alyp tastady.

Al Pavlodar oblysynyń ákimdigi budan keiin Tóreǵali Tóreálini kontsertterge shaqyrmaitynyn resmi málimdegen edi.

Budan keiin "áigili" ánshiniń tóńiregindegi daý basylmady. Onyń ákesi Tóreáli shýly oqiǵalardan keiin mán-jaidy anyqtaýǵa kelgen 31 arna tilshilerin balaǵattap, qýyp jibergen.

Ol azdai, Tóreáli myrzanyń jýrnalist Zarina Músilimdi "atyp óltiremin" dep qorqytqany belgili boldy.