Reseidiń ishki ister ministrligi beinerolikterinde ultaralyq alaýyzdyq týdyrǵany úshin Qazaqstan azamaty Qýat Ahmetovke Resei Federatsiiasynyń aýmaǵyna kirýge 50 jylǵa tyiym saldy, dep habarlady Sputnik Qazaqstan vedomstvonyń baspasóz qyzmetine silteme jasap.
Sondai-aq Ázerbaijan azamaty Isfandiiar Vagabzadege qatysty osy tektes shara qoldanyldy.
"Internet jelisinde ultaralyq alaýyzdyq týdyratyn pikir bildirgen Qazaqstan Respýblikasynyń azamaty Qýat Ahmetov pen Ázerbaijan Respýblikasynyń azamaty Isfandiiar Vagabzadege 50 jyl boiy Resei Federatsiiasynyń aýmaǵyna kirýge shekteý qoiý týraly sheshim qabyldandy", - dep jazylǵan RF IIM habarlamasynda.
Eske salsaq, "Til Maydani" YouTube-arnasynyń negizin qalaýshy Qýat Ahmetov dúken jáne qoǵamdyq tamaqtaný oryn qyzmetkerleriniń ózine jáne ózgelerge memlekettik tilde qyzmet kórsete almaǵanynan týyndaǵan janjal túsirilgen beinejazbalar toptamasyn jariialady. Videoda avtor sol adamdarǵa qatysty "fashister", "kelimsekter" jáne basqa da sózder qoldanǵan.
Qazaqstan Prezidentiniń Ákimshiligi basshysynyń birinshi orynbasary Dáýren Abaev arna avtorynyń bul áreketin synǵa alyp, quqyq qorǵaý organdary oǵan tiisti baǵa beretinine senim bildirdi.
Sonymen qatar jaqynda ǵana áleýmettik jelide ózin Ázerbaijannyń Belarýs, Moldaviia jáne Pákistandaǵy elshisi Isfandiiar Vagabzade retinde tanystyrǵan azamattyń Jirinovskii men orys ultyn balaǵattaǵan jáne "shoshqa", "esek" syndy sózderdi qoldanǵan videoroligi tarady.
Budan bólek Bishkektegi "Tehnopark" saýda oiyn-saýyq ortalyǵynda orys tilinde sóilegen boijetkenge tap bergen Qyrǵyzstan azamatyna qatysty osy tektes shara qoldanyldy.
