© Sputnik / Abzal Kaliev
Ulttyq ekonomika ministri Álibek Qýantyrov zeinetaqy jinaǵyn paidalaný shegin tómendetýge qatysty pikir bildirdi, dep habarlaidy Sputnik Qazaqstan agenttigi.
Májilistiń keshegi otyrysynda bir top depýtat zeinetaqy jinaǵyn paidalanýǵa múmkindik beretin jetkilikti shekti tómendetýdi usyndy. Tómengi palata ókilderi qazaqstandyqtarǵa infliatsiiadan asatyn investitsiialyq tabystyń bir bóligin paidalaný múmkindigin berý qajet dep esepteidi.
Ulttyq ekonomika ministri Álibek Qýantyrov jetkilikti shekti tómendetý tiimsiz dep sanaidy.
"Men zeinetaqy jinaǵyn merziminen buryn paidalaný shegin tómendetýge qarsymyn. Jalpy, bul másele qazir kún tártibinde joq, talqylanbaidy. Jetkilikti shekti tómendetsek, bolashaq zeinetkerlerge áleýmettik táýekelderdi ákeledi. Sebebi ai saiynǵy tólemder ómir súrýge jetpeidi", - dedi Qýantyrov Senat otyrysynan keiingi brifingte.
Aita keteri, biyl 1 sáýirden bastap zeinetaqy jinaǵynyń jetkilikti shegi kúrt ósti. Eger byltyr 35 jastaǵy azamattar úshin shekti kórsetkish 2 940 000 teńge bolsa, 2022 jyly ol 5 060 000 teńgeni qurap otyr.
