Kollaj: Tengrinews.kz
Eks-ministr Qýandyq Bishimbaevty qamaýda ustaý merzimi uzardy, - dep habarlaidy Tengrinews.kz saity.
"9 qańtarda Astana qalasynyń mamandandyrylǵan aýdanaralyq tergeý sotymen kúdikti K. Bishimbaevqa qatysty kúzetpen ustaý túrindegi bultartpaý sharasyn 2024 jylǵy 9 naýryzǵa deiin uzartý sanktsiialandy", - delingen vedomstvonyń Tengrinews.kz redaktsiiasyna bergen resmi jaýabynda.
Ózge málimetter QR Qylmystyq protsesstik kodeksiniń 201-babyna sáikes jariialanýǵa jatpaidy.
Eske salaiyq, 9 qarashada eks-ministr Qýandyq Bishimbaevtyń ustalǵany belgili boldy. Astanadaǵy meiramhanalardyń birinde kelýshiler arasynda janjal shyǵyp, saldarynan bir áiel alǵan jaraqatynan kóz jumǵan. Boljam boiynsha, áńgime eks-ministrdiń áieli týraly. Bishimbaevtyń ustalǵany týraly habarlamamen qatar Astana politsiiasy er adamnyń ustalǵany týraly pikir bildirdi. Biraq onyń aty-jónin naqtylamady.
Sondai-aq, saǵat 19:54-te astanalyq jedel meditsinalyq qyzmet kórsetý stantsiiasy pýltine qońyraý túsken. Jedel járdem brigadasy jetkende 1992 jyly týǵan áieldiń qaza bolǵany rastaldy. Keiin marqumnyń 31 jastaǵy Saltanat Núkenova ekeni belgili boldy. Ol - Qýandyq Bishimbaevtyń áieli.
