Astana sotynda Qýandyq Bishimbaev pen onyń týysy Baqytjan Baijanovqa sot úkimi shyqty.
Eks-ministr Bishimbaev Qylmystyq kodekstiń 110-baby 2-bóligi 1-tarmaǵy (azaptaý) boiynsha kináli dep tanyldy. Bul bap boiynsha 7 jylǵa bas bostandyǵynan aiyryldy.
Ol sondai-aq Qylmystyq kodekstiń 99-baby 2-bóligi 5-tarmaǵy (asa qatygezdikpen adam óltirý) boiynsha kináli dep tanyldy. Bul bap boiynsha 20 jylǵa bas bostandyǵynan aiyryldy. Jalpylai Bishimbaev 24 jylǵa bas bostandyǵynan aiyryldy.
"Alqabiler qatysatyn sot úkimimen sottalýshy Bishimbaev jábirlenýshi Núkenovany azaptaǵany úshin kináli dep tanyldy. Sondai-aq, Nýkenovany asa qatygezdikpen zańsyz qasaqana óltirdi dep aityptalady. Baijanov Bishimbaev jasaǵan asa aýyr qylmysty aldyn ala ýáde etpei jasyrǵany úshin kináli dep tanyldy. Sottalýshynyń kinási jábirlenýshi kýágerlerdiń aiǵaqtarymen, aýdio, video materialdarmen, saraptamalardyń qorytyndylarymen jáne qylmystyq is materialdarymen dáleldendi. Jaza taǵaiyndaý kezinde sot sottalýshylardyń kámeletke tolmaǵan balalary baryn eskerip, jazasyn jeńildetti", - dedi sot Aijan Kúlbaeva.
