Foto: facebook.com/Qýandyq Bishimbaev
Eks-ministr Qýandyq Bishimbaevqa bailanysty júrip jatqan sot otyrysynda kýágerlerge sóz berildi. Saltanat Núkenova óli tabylǵan «Gastroortalyqtyń» qyzmetkeri Qalmurat Moldaqash ózinen Gúlzada esimdi áriptesi kameradaǵy videobeinelerdi óshirýdi suraǵanyn aitty dep habarlaidy «Ult Aqparat».
Ol «Gastroortalyqtyń» kameralaryn oqiǵa kezinde eshkim baqylamaǵanyn aitty. Kýáger Moldaqash buryn sońdy baqylaý kameralarynyń jazbalaryn óshirip kórmegenin aitty.
«Kameralar turǵan bólmege kirip, videolardy qalai óshiretinin kezdeisoq jolmen anyqtai bastadyq. Sol kezde Baijanov kelip, taspalardy óshirý qolymyzdan kelip jatyr ma ekenin surady. Men anyqtan jatyrmyz dep aittym», -dedi kýáger.
Sosyn ol kompiýterdegi Delit degen jazýy bar batyrmany basyp barlyq beine jazbalardy kezek-kezek óshirgenin aitty. Ol jerde Moldaqash 15 minýttai bolǵanyn málimdedi.
Aita keteiik, Baqytjan Baijanov Bishimbaev isi boiynsha ekinshi aiyptalýshy. Ol Qýandyq Bishimbaevtyń týysqan baýyry. Ol eki bap boiynsha aiyptalyp otyr: Asa aýyr qylmysty jasyrǵany úshin jáne aitpaǵany úshin.
