«Qazaqstan temir joly» UK» AQ temirjolshylardyń áleýmettik-turmystyq jaǵdaiyn jaqsartýdyń arnaiy baǵdarlamasyn iske qosady, dep habarlaidy "Ult aqparat" atalǵan kompaniianyń baspasóz qyzmetine silteme jasap.
Búgin ótken keńeitilgen keńeste kompaniianyń Basqarma Tóraǵasy Nurlan Saýranbaev: «Eńbek ujymdaryndaǵy áleýmettik turaqtylyqty qoldaý maqsatynda biz úshin qyzmetkerlerdiń eńbek jaǵdailarynyń tiisti deńgeiin qamtamasyz etý mańyzdy másele», - dep atap kórsetti.
«QTJ» UK« AQ árqashanda óz qyzmetkerlerine keń aýqymdy jeńildikterdi qamtityn áleýmettik paket usynyp keledi. Osy maqsatqa arnalǵan biýdjet jyl saiyn ulǵaiyp otyr.
Qyzmetkerlerdiń quqyǵyn qorǵaý, eńbekaqy tóleý, eńbekti qorǵaý, basqa da áleýmettik kepildikter Ujymdyq kelisim-shartpen bekitilgen. Búgingi keńeitilgen keńeste aitylǵandai, qyzmetkerlerge ýaqytyly qosymsha aqylar men ústemeaqylarǵa, sapaly arnaiy kiimmen qamtamasyz etýge, qolaily eńbek jaǵdailaryn jasaýǵa erekshe nazar aýdarý qajet.
