«Qazaqstan temir joly» ulttyq kompaniiasy ońtústik óńirlerden batystaǵy qýańshylyqqa tap bolǵan óńirlerge shóp jóneltýshilerge usynǵan jeńildikti 31 tamyzǵa deiin uzartty, dep habarlaidy QazAqparat.
«Samuryq Qazyna» aqparat alańynda ótken brifingide «Qazaqstan temir joly» UK» AQ basqarma tóraǵasynyń orynbasary Oralhan Qulaqov «Samuryq Qazyna» aqparat alańynda osyndai málimet aitty.
«Qazaqstan temir joly» aktsionerlik qoǵamy Qazaqstannyń óńtústik óńirlerinen Mańǵystaý, Atyraý, Aqtóbe oblystarynyń qýańshylyqtan zardap shegip jatqan aýyl-aýdandaryna jemshóp tasymaldaýdy jyldam uiymdastyrý týraly ótinishterge qulaq asyp, qabyl alǵan bolatyn. Shildeniń qorytyndysy boiynsha júk jóneltýshiniń ótinimi boiynsha 167 vagon prestelgen shóp batys óńirlerdegi stansalarǵa jóneltildi. Ótinimde 208 vagon dep kórsetilgen. Iaǵni, 80 paiyz oryndaldy. Bul jerdegi eń basty másele - biz úlken jeńildik usyndyq. Shyǵyndardy óz moinymyzǵa alyp, tasymal jasadyq», - degen «QTJ» ókili jeńildik qyrkúiek aiyna deiin jalǵasatynyn atap ótti.
«Ótinishter áli túsip jatyr. Kompaniia basshysy sheshim qabyldady. Jeńildikterdi 31 tamyzǵa deiin sozatynymyz búgin belgili boldy. 31 tamyzǵa deiin shilde aiynda qoldanylǵan jeńildik boiynsha Qazaqstan aýmaǵynda prestelgen shóp tasymaldaimyz. Men jańa ǵana basqarmada bolyp, atalǵan sheshimge qol qoiyp keldim. 31 tamyzǵa deiin jóneltýshiler atalǵan óńirlerge prestelgen shópti 77 paiyzdyq jeńildikpen esh kedergisiz jibere alady», - dedi Oralhan Qulaqov.
