Foto: ©️ Tengrinews.kz / Turar Qazanǵapov
"Qazaqstan temir joly" AQ basqarma tóraǵasy Nurlan Saýranbaev burynǵy prezident Nursultan Nazarbaevtyń kishi qyzy Áliia Nazarbaevanyń kompaniiasy usynatyn qyzmetten nege bas tarta almai otyrǵanyn túsindirdi, - dep habarlaidy Massaget.kz portaly.
Úkimette ótken baspasóz máslihatynda BAQ ókili Nurlan Saýranbaevqa "Áliia Nazarbaevanyń Instant Payments kompaniiasymen bailanysty úzdińizder me?" dep suraq qoidy.
"Qazaqstan temir joly" AQ basqarma tóraǵasy kelisimshart buzylmaǵanyn, ony buzsa, jumysta qiyndyq týatynyn jetkizdi.
"Bul máseleniń uzaqqa sozylǵanyn bilesizder. Bul másele týyndaǵanda aktsioner (Áliia Nazarbaeva - esk.) birden aktsionerler quramynan shyqty. Iaǵni, ol joq.
Ministr Baǵdat Mýsin qasymda otyr. Qazir-aq ol kompaniiamen kelisimshartty buzýǵa bolatynyn biledi. Alaida odan keiin biz (biletti - esk.) onlain satyp alý qyzmetin jolaýshylarǵa usyna almaimyz. Demek, kompaniiadan bul qyzmetti osylai julyp alý múmkin emes.
Sondyqtan búginde quzyretti berý aktisi júrip jatyr. Ashyq konkýrs ótti. Ony belgili bir kompaniia jeńip aldy. Qazir Instant Payments JShS-den konkýrsty jeńip alǵan jańa kompaniiaǵa tapsyrý protsesi júrip jatyr. Bul 1 jeltoqsanda aiaqtalady", - dedi basqarma tóraǵasy.
