فوتو: ©️ Tengrinews.kz / تۇرار قازانعاپوۆ
"قازاقستان تەمٸر جولى" اق باسقارما تٶراعاسى نۇرلان ساۋرانباەۆ بۇرىنعى پرەزيدەنت نۇرسۇلتان نازارباەۆتىڭ كٸشٸ قىزى ەلييا نازارباەۆانىڭ كومپانيياسى ۇسىناتىن قىزمەتتەن نەگە باس تارتا الماي وتىرعانىن تٷسٸندٸردٸ, - دەپ حابارلايدى Massaget.kz پورتالى.
ٷكٸمەتتە ٶتكەن باسپاسٶز مەسليحاتىندا باق ٶكٸلٸ نۇرلان ساۋرانباەۆقا "ەلييا نازارباەۆانىڭ Instant Payments كومپانيياسىمەن بايلانىستى ٷزدٸڭٸزدەر مە?" دەپ سۇراق قويدى.
"قازاقستان تەمٸر جولى" اق باسقارما تٶراعاسى كەلٸسٸمشارت بۇزىلماعانىن, ونى بۇزسا, جۇمىستا قيىندىق تۋاتىنىن جەتكٸزدٸ.
"بۇل مەسەلەنٸڭ ۇزاققا سوزىلعانىن بٸلەسٸزدەر. بۇل مەسەلە تۋىنداعاندا اكتسيونەر (ەلييا نازارباەۆا - ەسك.) بٸردەن اكتسيونەرلەر قۇرامىنان شىقتى. ياعني, ول جوق.
مينيستر باعدات مۋسين قاسىمدا وتىر. قازٸر-اق ول كومپانييامەن كەلٸسٸمشارتتى بۇزۋعا بولاتىنىن بٸلەدٸ. الايدا ودان كەيٸن بٸز (بيلەتتٸ - ەسك.) ونلاين ساتىپ الۋ قىزمەتٸن جولاۋشىلارعا ۇسىنا المايمىز. دەمەك, كومپانييادان بۇل قىزمەتتٸ وسىلاي جۇلىپ الۋ مٷمكٸن ەمەس.
سوندىقتان بٷگٸندە قۇزىرەتتٸ بەرۋ اكتٸسٸ جٷرٸپ جاتىر. اشىق كونكۋرس ٶتتٸ. ونى بەلگٸلٸ بٸر كومپانييا جەڭٸپ الدى. قازٸر Instant Payments جشس-دەن كونكۋرستى جەڭٸپ العان جاڭا كومپانيياعا تاپسىرۋ پروتسەسٸ جٷرٸپ جاتىر. بۇل 1 جەلتوقساندا اياقتالادى", - دەدٸ باسقارما تٶراعاسى.
