QR Parlament Senatynyń tóraǵasy Qasym-Jomart Toqaev jumys saparymen Atyraý oblysyna keldi. Óńir aktivimen jáne jurtshylyǵymen kezdesý barysynda Q.Toqaev Qazaqstannyń halyqaralyq qaýipsizdikti nyǵaitý, álemniń barlyq memleketterimen dostyq qarym-qatynasty saqtaý baǵytyn dáiekti júzege asyryp kele jatqanyn atap ótti.
Senat tóraǵasy Elbasynyń basshylyǵymen elimiz ekonomikada jáne qoǵamdyq-saiasi salada aýqymdy reformalardy tabysty júrgizip otyrǵanyn aitty.
- Álemde bizdi beibitshilik súigish ult, ulttyq qundylyqtardy órkendetýmen jáne ulttyq rýhty nyǵaitýmen ainalysatyn birtutas halyq retinde biledi, -dedi Qasym-Jomart Toqaev.
Senat Spikeri Atyraý oblysyn ulttyq ekonomikanyń kóshbasylarynyń biri dep atady. Óńir jalpy, sonyń ishinde jan basyna shaqqandaǵy óńirlik ónim, ónerkásiptik óndiris, sheteldik investitsiialardy tartý siiaqty kórsetkishter boiynsha jetekshi oryn alady. Basty óńirlerdiń biri bolyp tabylatyn oblys respýblikalyq biýdjetke qomaqty úles qosady.
Q.Toqaev tehnologiialar, innovatsiialar, tsifrlandyrý salalaryndaǵy túbegeili ózgeristerge bailanysty ulttyq ekonomikanyń aldynda turǵan syn-tegeýrinderge jete toqtaldy.
- Óziniń Joldaýynda Memleket basshysy Tórtinshi ónerkásiptik revoliýtsiia jaǵdaiynda elimizdiń oidaǵydai damýynyń jańa vektoryn qalyptastyrdy. Ony iske asyrýǵa biz ábden oilanyp barýǵa mindettimiz, bul másele bulǵaqtaýdy kótermeidi, ádemi sózder men terminder naqty isti kóleńkesinde qaldyrmaýy tiis, -dedi Qasym-Jomart Toqaev.
Sóz barysynda Qazaqstan tehnologiialyq jańǵyrtý, innovatsiialyq indýstriialandyrý, adam kapitalyn damytý, kásipkerlikti qoldaý, agrarlyq sektordy, kólik jáne logistikalyq infraqurylymdy jańǵyrtý salalarynda júzege asyrýy tiis mindetter aityldy.
Memlekettiń azamattardyń ál-aýqatyn arttyrýǵa kúsh salýy týraly aita kele, Q.Toqaev eń aldymen jastar men jas otbasyn qoldaýǵa baǵdarlanǵan prezidenttik áleýmettik bastamalardy iske asyrýdyń mańyzdylyǵyna toqtaldy.
Qazaqstannyń jańarýynda jańa ulttyq ideologiiany qalyptastyratyn qoǵamdyq sanany jańǵyrtý erekshe oryn alady.
Spiker túbegeili ózgeristerdi júzege asyrýda óz halqynyń tarihyna, dástúrleri men mádenietine qurmetpen qaraýǵa tárbielengen, sonymen birge progress pen innovatsiialarǵa daiyn qazaq jastarynyń jańa býyny sheshýshi ról atqarýy tiistigin atap kórsetti.
Senat Tóraǵasy kezdesýge qatysýshylardy Parlamenttiń Memleket basshysy qoiǵan mindetterdi iske asyrýǵa baǵyttalǵan zańnamalyq qyzmeti týraly habardar etti.
- Biz, depýtattar, óz tarapymyzdan óńirlerdi tiimdi damytýǵa baǵyttalǵan bastamalardy qoldaýǵa jáne jergilikti memlekettik basqarý men ózin-ózi basqarýdy zańnamalyq qamtamasyz etýge daiynbyz, - dep atap kórsetti óz sóziniń qorytyndysynda Q.Toqaev.
Óz kezeginde Atyraý oblysynyń ákimi Nurlan Noǵaev Memleket basshysynyń bastamalaryn Atyraý oblysy turǵyndarynyń keńinen qoldaǵanyn aityp ótti. Alǵa qoiǵan mindetterdi oryndaý úshin jergilikti bilik bar kúshin salady.
- Bul úshin barlyq jaǵdai – qarjylyq, adami kapital, óńir azamattarynyń ómirin jaqsartýǵa umtylysy bar. Biz Memleket basshysy qoiǵan mindetterdi sheshýge múmkindik beretin zańnamalyq bastamalarǵa rizamyz. Atyraý oblysy munai óndirýshi óńir bolyp sanalady, alaida sońǵy jyldary ekonomikanyń basqa da salalaryn damytý boiynsha belsendi jumystar júrgizilýde. Agroónerkásiptik keshendi qoldaý jónindegi memlekettik baǵdarlamalar óńirdi jergilikti óndirýshilerdiń taýarlarymen qamtamasyz etýge jaǵdai týǵyzdy. Jańa jumys oryndaryn qurýǵa jáne halyqty servistik qyzmettermen qamtamasyz etýge múmkindik beretin shaǵyn jáne orta biznes damýda, - dedi óz sózinde Nurlan Noǵaev.
Kezdesýdiń aiaǵynda Parlament Senatynyń tóraǵasy Qasym-Jomart Toqaev belsendi azamattyq ustanymy jáne máslihattardyń jumysyna qosqan úlesi úshin Atyraý oblysynyń birqatar depýtattaryn qurmet gramotalarymen marapattady.
Aktiv aiaqtalǵannan keiin Senat tóraǵasy óńirdiń birqatar óndiristik jáne aýyl sharýashylyǵy kásiporyndaryn aralady.
