Máskeý túbindegi Crocus City Hall kontsert zalynda bolǵan terakt jumbaq jaǵdailarǵa toly. "Áshkere" telegram arnasy solardy tizbektegen eken, dep habarlaidy "Ult aqparat".
"Krokýs Siti Hollǵa" shabýyl jasady dep ustalǵan lańkesterdiń biri bul jerge eki apta buryn kelgen. Ony sol kezde sýretke túsirip alǵan fotograf bul oqiǵa 7 naýryzda bolǵanyn rastaǵan. Al AQSh-tyń Máskeýdegi elshiligi dál osy kúni shabýyl qaýpi bar dep eskertý jasaǵan. Bul sáikestik pe, álde AQSh barlaý qyzmeti habardar bolǵan ba?
Ekinshi jumbaq jaǵdai: internette shabýyl bastalǵan sát túsirilgen kadrlar jariialanǵan: anyqtap qarasańyz, kinolog pen onyń itin kórýge bolady. Kinologtar - Ishki ister ministrligine qarasty kádimgi politsiia qyzmetkerleri. Biraq videodaǵy qyzmetker terakt bastalǵan kezde jaibaraqat shyǵyp kete barǵan. Ol kim?
Taǵy bir kúmándi jaǵdai: "Krokýs" ǵimaratynda Pavshino dep atalatyn politsiia bólimi bar. Onda politsiia qyzmetkerleri bolǵan. Alaida shabýyl bastalǵan sátte olar halyqpen birge qashyp ketken be?
Tórtinshi sát: Resei biligi bul oqiǵadan Ýkraina izin izdep jatyr. Ýkrainaǵa qashqan dedi, Pýtin de Ýkrainadan qutqaryp alý "terezesi" boldy dep habarlady. Alaida sodyrlardyń ózi shabýyl kezinde túsirgen video qalaisha kóp ótpei DAISh resmi derekkózderiniń qolyna tústi?
