Foto: Telegram / Baza
BAQ-ta "Krokýs siti hollda" terakt jasaǵan lańkester ustalǵany týraly habar tarady, - dep habarlaidy Tengrinews.kz tilshisi Baza telegram arnasyna silteme jasap.
Resei biliginde ázirge bul aqparattarǵa qatysty aqparat joq. Telegramdaǵy málimet boiynsha, kúdiktiler otyrǵan kólik Teplyi aýylynyń mańynda tabylǵan kórinedi. Bul Belarýs pen Ýkraina shekarasynda ornalasqan aýyl.
Sonymen qatar, telegramdaǵy málimet boiynsha, kólikte, aldyn ala málimet boiynsha, alty adam otyrǵan. Onyń ekeýi ustalyp, tórteýi qashyp úlgergen.
Tájikstannyń Syrtqy ister ministrligi málimdeme jasady. Vedomstvo málimetinshe, jelide teraktqa tájikstandyq azamattardyń qatysy bar degen feik taraǵan.
Artynsha Gosdýma depýtaty Aleksandr Hinshtein kúdiktiler otyrǵan kólik Hatsýn aýylynyń mańynda anyqtalǵanyn málimdedi. Kólikti politsiia toqtatýǵa tyrysqanymen ishinde otyrǵan adamdar tártip saqshylaryna baǵynbai ketken.
"Atys bastalyp, kólik aýdarylyp ketti. Bir terrorist oqiǵa ornynda ustaldy. Qalǵany ormanǵa qarai qashyp ketti. Izdeý nátijesi boiynsha, 03:50-de ekinshi terrorist ustaldy. Qalǵanyn izdeý jumystary júrip jatyr. Izdeý operatsiiasyna barlyq kúsh qurylymy jumyldyryldy", - deidi depýtat telegram arnasynda.
Onyń sózinshe, kúdiktiler otyrǵan "Reno" kóliginde Makarov tapanshasy, Kalashnikov avtomatynyń oqtary men jeke qujattar tabylǵan.
Sonymen qatar, jelide kúdiktiler otyrǵan "Reno" avtokóliginiń sýreti tarady.
Foto: Telegram - "Ostorojno novosti"
Eske salaiyq, 23 naýryzǵa qaraǵan túni Reseilik Telegram-arnalar men BAQ-ta Máskeýde terakt bolǵany týraly aqparat tarady.
Bastapqy derekter boiynsha, keminde 40 adam qaza taýyp, 100 adam zardap shekken.
Aqorda Máskeýdegi teraktige bailanysty málimdeme jasady.
Sońǵy málimetter boiynsha, terakt saldarynan qaza tapqandar sany 82-ge jetken.
