Reseidiń Rostov oblysy Shahty qalasynyń turǵyny Kristina Alekseenko tanymal qazaqstandyq ártiske degen súiispenshiligine bailanysty tegin resmi túrde Kýdaibergenova dep aýystyrǵan, - dep habarlaidy Tengrinews.kz agenttigi Liter.kz basylymyna silteme jasap.
"Men Dimashty jaqsy kóremin. Ol keremet adam, talantty ánshi. Men odan 3 ai 1 kún úlkenmin. Ony alǵash ret 2019 jyldyń 7 qyrkúieginde Andrei Malahovtyń "Privet, Andrei!" shoý baǵdarlamasynda kórdim. Shyǵarylym Igor Iakovlevich Krýtoidyń mereitoiyna arnaldy. Dimashty kórgende birden unattym, kózine ǵashyq boldym. Baǵdarlamada shyrqaǵan "Znai" ánine, daýysyna ǵashyq boldym. Osy kúnge deiin bul meniń súiikti ánim", - dedi boijetken.
