Fýtboldan Portýgaliia quramasynyń jáne ispandyq «Real Madrid» klýbynyń shabýylshysy Krishtianý Ronaldý besinshi ret «Altyn doptyń» iegeri atandy, dep habarlaidy "Ult aqparat" eurosport.com-ǵa silteme jasap.
Marapattaý rásimi Frantsiia astanasy Parij qalasynyń áigili Eifel munarasynda saltanatty túrde ótkizildi.
Talantty fýtbolshy 2017 jyly komanda sapynda da, jeke kórsetkishter boiynsha da kóptegen iri jeńisterge jetti. Atap aitsaq, Portýgaliia ulttyq quramasynyń 2018 jylǵy Álem chempionatyna joldama alýyna, «Realdyń» bes jyldyq úzilisten soń Ispaniia chempionatyn, ÝEFA Chempiondar ligasynyń bas júldesin tarihta alǵash ret qatarynan eki ret, jalpy 12-shi ret jeńip alýyna kómektesti. Budan tys, 2017 jyly Chempiondar ligasynda eń kóp gol soqqan fýtbolshy, týrnir tarihynda toptyq kezeńniń barlyq matchynda gol soqqan alǵashqy oiynshy atandy.
Aita ketelik, «Altyn dopty» France Football jýrnaly jyldyń úzdik fýtbolshysy dep tanylǵan oiynshyǵa beredi. Portýgaliialyq forvard erekshe syilyq iegerleriniń arasynda osy kezge deiin úzdik bolyp kelgen Argentina shabýylshysy Lionel Messimen teńesti.
