فۋتبولدان پورتۋگالييا قۇراماسىنىڭ جەنە يسپاندىق «رەال مادريد» كلۋبىنىڭ شابۋىلشىسى كريشتيانۋ رونالدۋ بەسٸنشٸ رەت «التىن دوپتىڭ» يەگەرٸ اتاندى, دەپ حابارلايدى "ۇلت اقپارات" eurosport.com-عا سٸلتەمە جاساپ.
ماراپاتتاۋ رەسٸمٸ فرانتسييا استاناسى پاريج قالاسىنىڭ ەيگٸلٸ ەيفەل مۇناراسىندا سالتاناتتى تٷردە ٶتكٸزٸلدٸ.
تالانتتى فۋتبولشى 2017 جىلى كوماندا ساپىندا دا, جەكە كٶرسەتكٸشتەر بويىنشا دا كٶپتەگەن ٸرٸ جەڭٸستەرگە جەتتٸ. اتاپ ايتساق, پورتۋگالييا ۇلتتىق قۇراماسىنىڭ 2018 جىلعى ەلەم چەمپيوناتىنا جولداما الۋىنا, «رەالدىڭ» بەس جىلدىق ٷزٸلٸستەن سوڭ يسپانييا چەمپيوناتىن, ۋەفا چەمپيوندار ليگاسىنىڭ باس جٷلدەسٸن تاريحتا العاش رەت قاتارىنان ەكٸ رەت, جالپى 12-شٸ رەت جەڭٸپ الۋىنا كٶمەكتەستٸ. بۇدان تىس, 2017 جىلى چەمپيوندار ليگاسىندا ەڭ كٶپ گول سوققان فۋتبولشى, تۋرنير تاريحىندا توپتىق كەزەڭنٸڭ بارلىق ماتچىندا گول سوققان العاشقى ويىنشى اتاندى.
ايتا كەتەلٸك, «التىن دوپتى» France Football جۋرنالى جىلدىڭ ٷزدٸك فۋتبولشىسى دەپ تانىلعان ويىنشىعا بەرەدٸ. پورتۋگالييالىق فورۆارد ەرەكشە سىيلىق يەگەرلەرٸنٸڭ اراسىندا وسى كەزگە دەيٸن ٷزدٸك بولىپ كەلگەن ارگەنتينا شابۋىلشىسى ليونەل مەسسيمەن تەڭەستٸ.
