Búgin Parlament Senatynyń jalpy otyrysynda QR Joǵarǵy sotynyń birqatar sýdiasy sailandy, dep habarlaidy "Ult aqparat"
Sonymen, jalpy otyrys barysynda Sembek Baimahanov, Viacheslav Salii, Botagóz Eralieva, Esenbai Boranbaev, sondai-aq Arystanbek Stybaev QR Joǵarǵy sotynyń sýdiasy qyzmetine sailandy.
«Bul bes kandidat joǵary bilikti maman bolyp sanalady. Olardyń sýdia qyzmetinde úlken tájiribesi bar. Sýdialardyń barlyǵy Joǵarǵy sottaǵy jaýapty qyzmetke tolyqtai daiyn», - dedi QR Joǵary sot keńesiniń tóraǵasy Talǵat Donaqov.
Aita keteiik, sýdia qyzmetine sailanǵannan keiin, sýdialar Parlament Senatynyń jalpy otyrysynda saltanatty túrde ant berdi.
Budan bólek, Tólebai Qojan, Baǵlan Maqulbekov sýdia qyzmetinen bosatyldy.
T. Donaqovtyń sózine qaraǵanda, atalǵan eki sýdianyń qyzmetinen bosatylý sheshimi olardyń zeinetkerlik jasqa jetýine orai qabyldanyp otyr.
