بٷگٸن پارلامەنت سەناتىنىڭ جالپى وتىرىسىندا قر جوعارعى سوتىنىڭ بٸرقاتار سۋدياسى سايلاندى, دەپ حابارلايدى "ۇلت اقپارات"
سونىمەن, جالپى وتىرىس بارىسىندا سەمبەك بايماحانوۆ, ۆياچەسلاۆ ساليي, بوتاگٶز ەراليەۆا, ەسەنباي بورانباەۆ, سونداي-اق ارىستانبەك ستىباەۆ قر جوعارعى سوتىنىڭ سۋدياسى قىزمەتٸنە سايلاندى.
«بۇل بەس كانديدات جوعارى بٸلٸكتٸ مامان بولىپ سانالادى. ولاردىڭ سۋديا قىزمەتٸندە ٷلكەن تەجٸريبەسٸ بار. سۋديالاردىڭ بارلىعى جوعارعى سوتتاعى جاۋاپتى قىزمەتكە تولىقتاي دايىن», - دەدٸ قر جوعارى سوت كەڭەسٸنٸڭ تٶراعاسى تالعات دوناقوۆ.
ايتا كەتەيٸك, سۋديا قىزمەتٸنە سايلانعاننان كەيٸن, سۋديالار پارلامەنت سەناتىنىڭ جالپى وتىرىسىندا سالتاناتتى تٷردە انت بەردٸ.
بۇدان بٶلەك, تٶلەباي قوجان, باعلان ماقۇلبەكوۆ سۋديا قىزمەتٸنەن بوساتىلدى.
ت. دوناقوۆتىڭ سٶزٸنە قاراعاندا, اتالعان ەكٸ سۋديانىڭ قىزمەتٸنەن بوساتىلۋ شەشٸمٸ ولاردىڭ زەينەتكەرلٸك جاسقا جەتۋٸنە وراي قابىلدانىپ وتىر.
