QR ulttyq ekonomika vitse-ministri bolyp taǵaiyndaldy, - dep habarlaidy "Ult aqparat" tilshisi vedomstvonyń baspasóz qyzmetine silteme jasap.
"Qazaqstan Respýblikasy Úkimetiniń 2017 jylǵy 21 sáýirdegi №218 qaýlysymen Bákenov Ernar Baǵytjanuly Qazaqstan Respýblikasy Ulttyq ekonomika vitse-ministri bolyp taǵaiyndaldy", - dep habarlady QR Ulttyq ekonomika ministrliginiń baspasóz qyzmetindegiler.
Bákenov Ernar 1974 jyly 25 qazanda Qaraǵandy qalasynda týǵan. 1996 jyly E.A.Bóketov atyndaǵy Karaǵandy memlekettik ýniversitetin "Ekonomika" mamandyǵy boiynsha bitirgen.
Eńbek jolyn 1996 jyly Qaraǵandy qalasyndaǵy Halyq bankiniń Lenin aýdandyq filialynda baqylaýshy-kassir bolyp bastaǵan.
1997-2007 jyldar aralyǵynda Qazaqstan Respýblikasy Memlekettik kiris ministrligi Keden komitetiniń kedendik rásimdeýdi baqylaýdy uiymdastyrý bóliminiń jetekshisi, bas inspektory, bastyǵy laýazymyn atqardy.
2008-2012 jyldar aralyǵynda "Saýda saiasatyn damytý ortalyǵy" AQ Syrtqy saýda saiasatyn jáne saýdany damytýdy taldaý departamentiniń bas sarapshysy, direktordyń orynbasary, direktory bolyp jumys istedi.
2012 jyldan 2017 jylǵy sáýirge deiin Qazaqstan Respýblikasy Ulttyq ekonomika ministrligi Halyqaralyq ekonomikalyq integratsiialar departamentiniń direktory boldy.
"Qazaqstan Respýblikasynyń Táýelsizdigine 20 jyl" mereitoilyq medalimen (2011), "Eren eńbegi úshin" medalimen (2014), "Qazaqstan Respýblikasynyń táýelsizdigine 25 jyl" mereitoilyq medalimen (2016) marapattalǵan.
Sondai-aq, búgin QR ulttyq ekonomika birinshi vitse-ministri taǵaiyndalǵan bolatyn. "Qazaqstan Respýblikasy úkimetiniń 2017 jyldyń 21 sáýirindegi qaýlysyna sáikes Dálenov Rýslan Erbolatuly ulttyq ekonomika birinshi vitse-ministri bolyp taǵaiyndaldy", - delingen edi baspasóz qyzmetiniń habarlamasynda.
