Shymkentte jergilikti biznesmenderden turaqty túrde iri aqsha somasyn bopsalap kelgen uiymdasqan qylmystyq top ustaldy. Bul týraly QR Ulttyq qaýipsizdik komitetiniń baspasóz qyzmetinen málim etti, dep habarlaidy "Ult aqparat".
«QR Ulttyq qaýipsizdik komitetiniń Shymkent qalasy boiynsha departamenti Ulttyq ulannyń arnaiy bólimshesin qatystyrýmen jergilikti biznesmenderden turaqty túrde iri aqshalai qarajatty qorqytyp alýmen ainalysqan uiymdasqan qylmystyq toptyń 6 múshesin ustady. Qylmystyq toptyń músheleri birqatar zorlyq-zombylyq, onyń ishinde atys qarýyn qoldanýmen qylmystar jasady dep kúdiktelýde. Uiymdasqan qylmystyq toptyń denin buryn aýyr qylmystar jasaǵany úshin birneshe márte sottalǵan destrýktivti dini aǵymdy ustanýshylar quraǵan», - delingen UQK habarlamasynda.
Málim bolǵandai, top músheleri kezekti kásipkerden kúsh qoldanýmen 10 myń AQSh dollaryn qorqytyp alý kezinde ustalǵan.
«Birqatar tintý júrgizilip, uiymdasqan qylmystyq top músheleriniń qarý-jaraq arsenaly bar jasyryn orny anyqtaldy, 5 birlik atys qarýy jáne olarǵa oq-dáriler alyndy. Qazirgi ýaqytta olardyń dini sebepter boiynsha qylmystyq quqyqbuzýshylyqtar jasaýynyń yqtimal faktileri tekserilýde», - dedi vedomstvodan.
