شىمكەنتتە جەرگٸلٸكتٸ بيزنەسمەندەردەن تۇراقتى تٷردە ٸرٸ اقشا سوماسىن بوپسالاپ كەلگەن ۇيىمداسقان قىلمىستىق توپ ۇستالدى. بۇل تۋرالى قر ۇلتتىق قاۋٸپسٸزدٸك كوميتەتٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
«قر ۇلتتىق قاۋٸپسٸزدٸك كوميتەتٸنٸڭ شىمكەنت قالاسى بويىنشا دەپارتامەنتٸ ۇلتتىق ۇلاننىڭ ارنايى بٶلٸمشەسٸن قاتىستىرۋمەن جەرگٸلٸكتٸ بيزنەسمەندەردەن تۇراقتى تٷردە ٸرٸ اقشالاي قاراجاتتى قورقىتىپ الۋمەن اينالىسقان ۇيىمداسقان قىلمىستىق توپتىڭ 6 مٷشەسٸن ۇستادى. قىلمىستىق توپتىڭ مٷشەلەرٸ بٸرقاتار زورلىق-زومبىلىق, ونىڭ ٸشٸندە اتىس قارۋىن قولدانۋمەن قىلمىستار جاسادى دەپ كٷدٸكتەلۋدە. ۇيىمداسقان قىلمىستىق توپتىڭ دەنٸن بۇرىن اۋىر قىلمىستار جاساعانى ٷشٸن بٸرنەشە مەرتە سوتتالعان دەسترۋكتيۆتٸ دٸني اعىمدى ۇستانۋشىلار قۇراعان», - دەلٸنگەن ۇقك حابارلاماسىندا.
مەلٸم بولعانداي, توپ مٷشەلەرٸ كەزەكتٸ كەسٸپكەردەن كٷش قولدانۋمەن 10 مىڭ اقش دوللارىن قورقىتىپ الۋ كەزٸندە ۇستالعان.
«بٸرقاتار تٸنتۋ جٷرگٸزٸلٸپ, ۇيىمداسقان قىلمىستىق توپ مٷشەلەرٸنٸڭ قارۋ-جاراق ارسەنالى بار جاسىرىن ورنى انىقتالدى, 5 بٸرلٸك اتىس قارۋى جەنە ولارعا وق-دەرٸلەر الىندى. قازٸرگٸ ۋاقىتتا ولاردىڭ دٸني سەبەپتەر بويىنشا قىلمىستىق قۇقىقبۇزۋشىلىقتار جاساۋىنىڭ ىقتيمال فاكتٸلەرٸ تەكسەرٸلۋدە», - دەدٸ ۆەدومستۆودان.
