QR Premer-Ministri Asqar Mamin jáne Eýropalyq qaita qurý jáne damý bankiniń (EQQDB) prezidenti Sýma Chakrabarti QR densaýlyq saqtaý infraqurylymyn jańǵyrtý týraly qujatqa qol qoidy, dep habarlaidy "Ult aqparat" primeminister.kz saityna silteme jasap.
Asqar Mamin London qalasyna jumys sapary aiasynda EQQDB prezidenti Sýma Chakrabartimen kezdesý ótkizdi.
«Qazaqstannnyń Tuńǵysh Prezidenti – Elbasy Nursultan Nazarbaev pen Memleket basshysy Qasym-Jomart Toqaev EQQDB-men yntymaqtastyqqa zor kóńil bóledi. Ótken 27 jylda EQQDB-nyń Qazaqstanǵa investitsiialar kólemi 260-tan astam jobada 9 mlrd dollardan asty», - dedi QR Premeri.
Kelissóz qorytyndysy boiynsha QR Úkimeti men EQQDB arasynda Qazaqstanda densaýlyq saqtaý infraqurylymyn jańǵyrtýdyń Keshendi baǵdarlamasyn iske asyrý jónindegi Ózara túsinistik týraly memorandýmǵa qol qoiyldy.
«Qazaqstanda 2020–2024 jyldarǵa arnalǵan densaýlyq saqtaýdyń memlekettik baǵdarlamasy aiasynda jańa kópsalaly aýrýhanalar salynady. Biz EQQDB-nyń densaýlyq saqtaý júiesiniń infraqurylymyn jańǵyrtýǵa qatysýyn qoldaimyz», - dedi A. Mamin.
