قر پرەمەر-مينيسترٸ اسقار مامين جەنە ەۋروپالىق قايتا قۇرۋ جەنە دامۋ بانكٸنٸڭ (ەققدب) پرەزيدەنتٸ سۋما چاكرابارتي قر دەنساۋلىق ساقتاۋ ينفراقۇرىلىمىن جاڭعىرتۋ تۋرالى قۇجاتقا قول قويدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
اسقار مامين لوندون قالاسىنا جۇمىس ساپارى اياسىندا ەققدب پرەزيدەنتٸ سۋما چاكرابارتيمەن كەزدەسۋ ٶتكٸزدٸ.
«قازاقستانننىڭ تۇڭعىش پرەزيدەنتٸ – ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆ ەققدب-مەن ىنتىماقتاستىققا زور كٶڭٸل بٶلەدٸ. ٶتكەن 27 جىلدا ەققدب-نىڭ قازاقستانعا ينۆەستيتسييالار كٶلەمٸ 260-تان استام جوبادا 9 ملرد دوللاردان استى», - دەدٸ قر پرەمەرٸ.
كەلٸسسٶز قورىتىندىسى بويىنشا قر ٷكٸمەتٸ مەن ەققدب اراسىندا قازاقستاندا دەنساۋلىق ساقتاۋ ينفراقۇرىلىمىن جاڭعىرتۋدىڭ كەشەندٸ باعدارلاماسىن ٸسكە اسىرۋ جٶنٸندەگٸ ٶزارا تٷسٸنٸستٸك تۋرالى مەموراندۋمعا قول قويىلدى.
«قازاقستاندا 2020–2024 جىلدارعا ارنالعان دەنساۋلىق ساقتاۋدىڭ مەملەكەتتٸك باعدارلاماسى اياسىندا جاڭا كٶپسالالى اۋرۋحانالار سالىنادى. بٸز ەققدب-نىڭ دەنساۋلىق ساقتاۋ جٷيەسٸنٸڭ ينفراقۇرىلىمىن جاڭعىرتۋعا قاتىسۋىن قولدايمىز», - دەدٸ ا. مامين.
