QR Prezidenti Qasym-Jomart Toqaev «Qazaqstan Respýblikasynyń memlekettik basqarý júiesin odan ári jetildirý jónindegi sharalar týraly» Jarlyqqa qol qoidy, dep habarlaidy Aqorda.
"Ult aqparat" Jarlyqtyń tolyq mátinin jariialaidy.
***
Qazaqstan Respýblikasy Konstitýtsiiasynyń 44-babynyń 3) tarmaqshasyna sáikes memlekettik basqarý júiesin jańǵyrtý jáne tiimdiligin arttyrý maqsatynda QAÝLY ETEMIN:
1. Mynalar:
1) Qazaqstan Respýblikasynyń Indýstriia jáne infraqurylymdyq damý ministrligi, oǵan Qazaqstan Respýblikasy Tsifrlyq damý, qorǵanys jáne aeroǵarysh ónerkásibi ministrliginiń qorǵanys ónerkásibi, biryńǵai áskeri-tehnikalyq saiasatty júrgizýge qatysý, áskeri-tehnikalyq yntymaqtastyqty júzege asyrý, memlekettik qorǵanys tapsyrysyn qalyptastyrý, ornalastyrý jáne oryndaý salasyndaǵy fýnktsiialary men ókilettikteri berile otyryp;
2) Qazaqstan Respýblikasynyń Ulttyq ekonomika ministrligi, oǵan Qazaqstan Respýblikasy Tsifrlyq damý, qorǵanys jáne aeroǵarysh ónerkásibi ministrliginiń jumyldyrý daiyndyǵy jáne jumyldyrý, memlekettik materialdyq rezervti qalyptastyrý jáne damytý salasyndaǵy fýnktsiialary men ókilettikteri berile otyryp;
3) Qazaqstan Respýblikasynyń Tsifrlyq damý, qorǵanys jáne aeroǵarysh ónerkásibi ministrligi, oǵan:
Qazaqstan Respýblikasy Aýyl sharýashylyǵy ministrliginiń geodeziia jáne kartografiia salasyndaǵy;
Qazaqstan Respýblikasy Indýstriia jáne infraqurylymdyq damý ministrliginiń eldiń innovatsiialyq saiasaty, ǵylymi-tehnikalyq damýy salasyndaǵy fýnktsiialary men ókilettikteri berile otyryp, ony Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligi etip qaita qurý jolymen qaita uiymdastyrylsyn.
2. Qazaqstan Respýblikasynyń Úkimeti:
1) Qazaqstan Respýblikasy Prezidentiniń Ákimshiligimen kelisim boiynsha memlekettik organdardyń jáne olarǵa vedomstvolyq baǵynysty uiymdardyń shtat sanyn qaita bólýdi;
2) osy Jarlyqty iske asyrý boiynsha ózge de sharalar qabyldaýdy qamtamasyz etsin.
3. Indýstriia jáne infraqurylymdyq damý, Ulttyq ekonomika, Tsifrlyq damý, innovatsiialar jáne aeroǵarysh ónerkásibi ministrlikteri Qazaqstan Respýblikasy Aýyl sharýashylyǵy, Tsifrlyq damý, qorǵanys jáne aeroǵarysh ónerkásibi ministrlikteriniń beriletin fýnktsiialary men ókilettikteri sheginde quqyqtary men mindettemeleriniń quqyq mirasqory bolyp aiqyndalsyn.
4. «Qazaqstan Respýblikasy Úkimetiniń qurylymy týraly» Qazaqstan Respýblikasy Prezidentiniń 1999 jylǵy 22 qańtardaǵy № 6 Jarlyǵyna mynadai ózgeris engizilsin:
1-tarmaqtaǵy «Qazaqstan Respýblikasynyń Tsifrlyq damý, qorǵanys jáne aeroǵarysh ónerkásibi ministrligi» degen jol mynadai redaktsiiada jazylsyn:
«Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligi».
5. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
6. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń
Prezidenti Q.Toqaev
Nur-Sultan, Aqorda, 2019 jylǵy 17 maýsym
№ 24
