Qazaqstannyń Shveitsariiadaǵy Elshiliginiń bastamashylyq etýimen Qazaqstan Respýblikasy Táýelsizdiginiń 30 jyldyǵyna orai mereitoilyq poshta markasy shyǵaryldy, dep habarlaidy "Ult aqparat".
QR Syrtqy ister ministrliginen málim etkendei, poshta markalary Elshiliktiń kúndelikti hat-habarlarynda, sondai-aq kádesyi retinde paidalanylady.
Shveitsariiada qazirgi zamanǵy tsifrlyq tehnologiialar men elektrondy qyzmetterdiń joǵary damýyna qaramastan, poshta-korrespondentsiiasy qoǵam ómirinde mańyzdy oryn alady.
Karantin kezeńinde Shveitsariiada onlain-saýdanyń artýyna bailanysty poshta qyzmetterin paidalaný birneshe ese ósti. Syilyqtar, taýarlarǵa tapsyrys, hattar salynǵan konvertter – búgingi kúni poshta qyzmeti arqyly sálemdemeler men konvertterdiń kóptegen sany ótip jatyr.
«Qazirgi ýaqytta biz kún saiyn millionnan astam sálemdeme óńdeimiz. Bul - Post tarihyndaǵy absoliýtti rekord», – dep atap ótti Swiss Post baspasóz ókili Jaklin Biýlman.
Jalpy alǵanda, Shveitsariiadaǵy pochta jáne poshta markalarynyń tarihy orta ǵasyrlardan bastaý alady jáne álemniń túkpir-túkpirindegi filatelisterdiń nazary men qyzyǵýshylyǵyn týǵyzýda.
