QR Syrtqy ister ministri Beibit Atamqulov jańa sheteldik elshilerdi qabyldady, dep habarlaidy "Ult aqparat" ministrliktiń baspasóz qyzmetine silteme jasap.
Beibit Atamqulov Lesli Acha Opoký-Ýare (Gana Respýblikasy), Karsten Sendergord (Daniia Koroldigi), Maik Sango (Zimbabve Respýblikasy), Andrei Negýts (Moldova Respýblikasy), Djon Matstsa (San-Marino Respýblikasy), Branko Rakovets (Sloveniia Respýblikasy), Simon Marko Mýmvi (Tanzaniia Birikken Respýblikasy), Manas Takgisakibaý (Fidji Respýblikasy) Qazaqstanda mindetin qosa atqarýshy sheteldik elshilerdi qabyldady.
«Kezdesý barysynda sheteldik elshiler Qazaqstannyń syrtqy saiasatynyń basymdyqtary jáne Úkimet tarapynan júrgizilip jatqan áleýmettik-ekonomikalyq reformalar týraly aqparatpen keńinen tanystyryldy.
Taraptar joǵary deńgeidegi bailanystardy damytýǵa, ekijaqty taýar ainalymynyń ósýine járdemdesýge, ekonomikalyq ózara is-qimyldyń jańa taýashalaryn tabýǵa, sondai-aq mádeni jáne qoǵamdyq bailanystardy damytýǵa kelisti», delingen habarlamada.
Óz kezeginde sheteldik diplomattar Qazaqstannyń táýelsizdik jyldary qol jetkizgen syrtqy saiasi jáne ekonomikalyq jetistikterin joǵary baǵalady.
Eldiń syrtqy saiasi vedomstvosynyń basshysy sheteldik elshilerge ekijaqty yntymaqtastyqty nyǵaitýǵa baǵyttalǵan jemisti qyzmet tiledi.
