Resei tóraǵalyǵynyń bastamasy boiynsha Birikken Ulttar Uiymynyń UQShU, ShYU jáne TMD siiaqty óńirlik uiymdarmen terrorizmge qarsy is-qimyl salasyndaǵy yntymaqtastyǵy boiynsha BUU Qaýipsizdik keńesinde debattar ótti, dep habarlaidy "Ult aqparat" QR SIM baspasóz qyzmetine silteme jasap.
QR Syrtqy ister ministri Muhtar Tileýberdi pikirtalasqa qatysyp, málimdeme jasady. Atap aitqanda, ol bizdiń respýblikamyz BUU-da músheligi men tóraǵalyǵy kezeńinde lańkestikke qarsy kúres máselelerine erekshe kóńil bólgenin atap ótti. QR Tuńǵysh Prezidenti – Elbasy Nursultan Nazarbaevtyń bastamasymen Terrorizmnen azat álemge qol jetkizý tártibiniń kodeksi ázirlendi. Bul qujatqa BUU-ǵa 84 múshe memleket qosyldy.
Sol kúni ministr M. Tileýberdi BUU alańyndaǵy basqa da is-sharalarǵa qatysty:
- Iadrolyq synaqtarǵa jan-jaqty tyiym salý týraly sharttyń (IaSJTSh) kúshine enýine járdemdesý jónindegi konferentsiiada M. Tileýberdi IaSJTSh qurýǵa negiz bolǵan QR Tuńǵysh Prezidenti - Elbasy N. Nazarbaevtyń Semei synaq poligonyn jabý týraly sheshiminiń tarihi rólin atap ótti;
- Teńizge shyǵa almaityn damýshy elder ministrleriniń joǵary deńgeidegi 18-shi kezdesýinde sóilegen sózinde Qazaqstannyń osyndai elderdiń aldynda turǵan ekonomikalyq damý jolyndaǵy qaýip-qaterler men kedergilerdi eńserýdegi belsendi rólin atap ótti. Atalǵan kezdesýde Qazaqstan 2020-2021 jyldarǵa osy elder tobynyń kelesi jahandyq tóraǵasy bolyp sailandy.
