COVID-19 koronavirýs indetiniń órshýine bailanysty SIM-de daǵdarystyq Shtab iske qosyldy, ol QR-nyń shet elderdegi mekemelerinde qurylǵan barlyq jedel shtabtardyń jumysyn úilestiredi.
Qazir álemniń 73 elinde 295 myńǵa jýyq qazaqstandyq bar.
Shetelderdegi Qazaqstan azamattarynyń tizimi saǵat saiyn naqtylanýda. QR elshilikterindegi shtabtar azamattarǵa Otanyna oralýdyń múmkindikteri týraly qajetti nusqaýlyqtar men aqparatty usynady.
Shetelderdegi bizdiń azamattarymyzdyń kóp bóligi, solardyń ishinde turaqty turýǵa, jumys, oqý jáne t.b. maqsatta shet elderde turatyn azamattarymyz, ásirese jaǵdaiy turaqty elderde turatyndar, qaityp oralýǵa niet bildirmeidi. Olardyń arasynda dúrlikpe men úrei joq. Olar ornalasqan eldiń usynystary men erejelerin basshylyqqa alady, karantin rejimin jáne úide oqshaýlaýdy saqtaidy. Qazir tańda bizdiń azamattarymyzdyń úilerine oralýy – SIM jumysynyń negizgi basymdyǵy bolyp tabylady. Qazirgi tańda álemniń 23 elinen 1285 azamat Qazaqstanǵa oralýǵa niet bildirýde. Bul shet elderdegi qazaqstandyq týristerdi eseptemegende, olardy shyǵarýmen qazir Mádeniet jáne sport ministrligi ainalysýda.
Qazirgi ýaqytta el Úkimeti halyqaralyq aviaqatynastardyń jabylýyna bailanysty eń aldymen Polsha, Grýziia jáne Ázerbaijannan QR azamattaryn qaitarý týraly sheshim qabyldady.
SIM qazaqstandyq azamattardy qaitarýdy uiymdastyrý barysynda basqa memlekettik organdarmen tyǵyz úilesimdi jumys atqarýda. Qazaqstandyqtardyń úige qaityp oralýyn Eir Astana jáne Skat aviakompaniialary tómen baǵamen reisterdi uiymdastyrý arqyly júzege asyrady.
Qazirgi ýaqytta Máskeý qalasyndaǵy Vnýkovo áýejaiyndaǵy 30-ǵa jýyq qazaqstandyqty elge qaitarý máselesi tur. Olardyń qolynda biletter bar, olardyń ushý ýaqyty boiynsha SCAT aviakompaniiasymen kelisý jumystary júrip jatyr.
Sonymen qatar, Reseidiń basqa da qalalarynan bizdiń azamattarymyzdy qaitarý boiynsha qiyndyqtar bar – olar Omby (26 adam), Novosibirsk (8 adam), Ekateriningbýrg (11 adam), Barnaýl, Samara (10 adam), Cheliabinsk, Orynbor jáne t. b.
Qazir Bishkek qalasynda Atyraýdan kelgen bir top azamattarymyz bar. Olardyń arasynda erekshe tasymaldaý sharttary talap etiletin DTsP diagnozy bar balalar bolǵandyqtan bul jaǵdaida Qorǵanys ministrliginiń aviatsiiasy paidalanylatyn bolady.
Qazaqstanǵa oralǵan azamattar eldiń túrli óńirlerinde karantinge birkelki ornalastyrylatyn bolady. QR Densaýlyq saqtaý ministrligi qazir bul máselemen ainalysýda.
SIM ózi úsh aýsymda jumys isteidi. Basshylyq quramynda turaqty top jumys isteidi, qalǵan qyzmetkerler birneshe topqa bólinip, kestege sáikes kezek-kezek qashyqtyqta jumys isteýde.
SIM óziniń sheteldik mekemeleri arqyly Qazaqstanǵa gýmanitarlyq kómek tartý boiynsha belsendi jumys júrgizýde. Búginde Koreia Respýblikasynan, Qytaidan, Japoniiadan jáne Shveitsariiadan tiisti kómek alý týraly kelisimge qol jetkizildi.
Atap aitqanda, bul meditsinalyq maskalar, virýstyq testerler, qorǵanys kiimi, arnaiy jabdyqtar, sondai-aq qazaqstandyq medikterge konsýltatsiialyq qoldaý kórsetý bolady. Mysaly, Koreia men Japoniianyń epidemiologtary jaqynda (23-24 naýryz) bizdiń densaýlyq saqtaý ministrligi úshin arnaiy beine-keńester ótkizýdi josparlap otyr. Birqatar eldermen (mysaly, Izrail) epidemiologiialyq keńes berý boiynsha aldyn ala ýaǵdalastyq bar.
