Qazaqstanda el azamattaryn shetelge jumysqa zańsyz jiberýmen ainalysatyn birqatar kompaniia men jeke tulǵalar jumys isteidi. Bul týraly QR Syrtqy ister ministrliginiń resmi ókili Aibek Smadiiarov aitty, dep habarlaidy QazAqparat.
«Ózderińiz biletindei, 2019 jyldyń 25 qyrkúieginde Norvegiianyń kóshi-qon bilikterimen josparly tekserý barysynda Norvegiiaǵa maýsymdyq jumys úshin kelgen Qazaqstannyń 59 azamatynyń migratsiialyq erejeni buzǵany anyqtaldy. Olardyń kópshiligi Norvegiiaǵa týristik vizamen kelgen. Búgingi tańda 59 azamattyń 45-i Qazaqstanǵa oraldy. Al qalǵan 14-i búgin ushady dep josparlanýda», - dedi Aibek Smadiiarov tilshilerge arnalǵan brifing barysynda.
Onyń aitýynsha, Qazaqstannyń Norvegiiadaǵy elshiligi memleket atynan osy jaǵdaiǵa tap bolǵan azamattarǵa tolyq qoldaý kórsetken.
«Diplomattar bizdiń azamattarymyzdyń janynda únemi bolyp, olardyń yqpal etýiniń arqasynda bul másele norvegiialyq bilikpen jedel sheshildi. Tekserý qorytyndysy boiynsha, norvegiialyq tarap barlyq ustalǵandarǵa aviabilet satyp alý jáne olardy Otanyna jóneltý jóninde sheshim qabyldady. Ustalǵan tulǵalar ózderiniń isterine bailanysty máseleni jedel sheshkeni úshin Qazaqstannyń Norvegiiadaǵy elshiligine alǵysyn bildirdi», - dedi ol.
Resmi ókil atap ótkendei, zańsyz eńbek kóshi-qony ózekti máselelerdiń biri.
«Bizdiń elimizde azamattardy shetelge jumysqa zańsyz jiberýmen ainalysatyn birqatar kompaniia men jeke tulǵalar jumys isteidi. Osyǵan bailanysty maýsymdyq jumysqa ruqsat rásimdeý jónindegi norvegiialyq erejeler óte qatań ekenin taǵy da eske salamyz. Norvegiiaǵa Qazaqstandaǵy basqa eýropalyq memleketterdiń elshilikteri arqyly rásimdelgen Shengen vizasymen ushyp kelýge jáne osy eldiń aýmaǵynda maýsymdyq jumysshy retinde qujattardy tapsyrýǵa jol berilmeidi. Qazaqstan azamattary úshin tiisti ruqsattar men vizalardy Norvegiianyń Máskeýdegi elshiligi ǵana beredi. Qajetti saýalnamalardyń, nysandardyń jáne qujattardy berýdiń bekitilgen talaptary osy dipmissiianyń veb-saitynda kórsetilgen. Bul rette, maýsymdyq kelisimshart Norvegiiaǵa alty aidan aspaityn ýaqyt jumys isteýge ǵana múmkindik beretinin, ol aiaqtalǵannan keiin elden ketýdi talap etiletinin eskertemiz», - dedi ol.
QR SIM resmi ókili qazirgi ýaqytta internette ózderin shetelde jumysqa ornalastyrý jónindegi agentter retinde jarnamalaityn deldaldardyń kóp bolýyna bailanysty barlyq azamattardy saq bolýǵa shaqyrdy.
