قازاقستاندا ەل ازاماتتارىن شەتەلگە جۇمىسقا زاڭسىز جٸبەرۋمەن اينالىساتىن بٸرقاتار كومپانييا مەن جەكە تۇلعالار جۇمىس ٸستەيدٸ. بۇل تۋرالى قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ايتتى, دەپ حابارلايدى قازاقپارات.
«ٶزدەرٸڭٸز بٸلەتٸندەي, 2019 جىلدىڭ 25 قىركٷيەگٸندە نورۆەگييانىڭ كٶشٸ-قون بيلٸكتەرٸمەن جوسپارلى تەكسەرۋ بارىسىندا نورۆەگيياعا ماۋسىمدىق جۇمىس ٷشٸن كەلگەن قازاقستاننىڭ 59 ازاماتىنىڭ ميگراتسييالىق ەرەجەنٸ بۇزعانى انىقتالدى. ولاردىڭ كٶپشٸلٸگٸ نورۆەگيياعا تۋريستٸك ۆيزامەن كەلگەن. بٷگٸنگٸ تاڭدا 59 ازاماتتىڭ 45-ٸ قازاقستانعا ورالدى. ال قالعان 14-ٸ بٷگٸن ۇشادى دەپ جوسپارلانۋدا», - دەدٸ ايبەك سماديياروۆ تٸلشٸلەرگە ارنالعان بريفينگ بارىسىندا.
ونىڭ ايتۋىنشا, قازاقستاننىڭ نورۆەگيياداعى ەلشٸلٸگٸ مەملەكەت اتىنان وسى جاعدايعا تاپ بولعان ازاماتتارعا تولىق قولداۋ كٶرسەتكەن.
«ديپلوماتتار بٸزدٸڭ ازاماتتارىمىزدىڭ جانىندا ٷنەمٸ بولىپ, ولاردىڭ ىقپال ەتۋٸنٸڭ ارقاسىندا بۇل مەسەلە نورۆەگييالىق بيلٸكپەن جەدەل شەشٸلدٸ. تەكسەرۋ قورىتىندىسى بويىنشا, نورۆەگييالىق تاراپ بارلىق ۇستالعاندارعا اۆيابيلەت ساتىپ الۋ جەنە ولاردى وتانىنا جٶنەلتۋ جٶنٸندە شەشٸم قابىلدادى. ۇستالعان تۇلعالار ٶزدەرٸنٸڭ ٸستەرٸنە بايلانىستى مەسەلەنٸ جەدەل شەشكەنٸ ٷشٸن قازاقستاننىڭ نورۆەگيياداعى ەلشٸلٸگٸنە العىسىن بٸلدٸردٸ», - دەدٸ ول.
رەسمي ٶكٸل اتاپ ٶتكەندەي, زاڭسىز ەڭبەك كٶشٸ-قونى ٶزەكتٸ مەسەلەلەردٸڭ بٸرٸ.
«بٸزدٸڭ ەلٸمٸزدە ازاماتتاردى شەتەلگە جۇمىسقا زاڭسىز جٸبەرۋمەن اينالىساتىن بٸرقاتار كومپانييا مەن جەكە تۇلعالار جۇمىس ٸستەيدٸ. وسىعان بايلانىستى ماۋسىمدىق جۇمىسقا رۇقسات رەسٸمدەۋ جٶنٸندەگٸ نورۆەگييالىق ەرەجەلەر ٶتە قاتاڭ ەكەنٸن تاعى دا ەسكە سالامىز. نورۆەگيياعا قازاقستانداعى باسقا ەۋروپالىق مەملەكەتتەردٸڭ ەلشٸلٸكتەرٸ ارقىلى رەسٸمدەلگەن شەنگەن ۆيزاسىمەن ۇشىپ كەلۋگە جەنە وسى ەلدٸڭ اۋماعىندا ماۋسىمدىق جۇمىسشى رەتٸندە قۇجاتتاردى تاپسىرۋعا جول بەرٸلمەيدٸ. قازاقستان ازاماتتارى ٷشٸن تيٸستٸ رۇقساتتار مەن ۆيزالاردى نورۆەگييانىڭ مەسكەۋدەگٸ ەلشٸلٸگٸ عانا بەرەدٸ. قاجەتتٸ ساۋالنامالاردىڭ, نىسانداردىڭ جەنە قۇجاتتاردى بەرۋدٸڭ بەكٸتٸلگەن تالاپتارى وسى ديپميسسييانىڭ ۆەب-سايتىندا كٶرسەتٸلگەن. بۇل رەتتە, ماۋسىمدىق كەلٸسٸمشارت نورۆەگيياعا التى ايدان اسپايتىن ۋاقىت جۇمىس ٸستەۋگە عانا مٷمكٸندٸك بەرەتٸنٸن, ول اياقتالعاننان كەيٸن ەلدەن كەتۋدٸ تالاپ ەتٸلەتٸنٸن ەسكەرتەمٸز», - دەدٸ ول.
قر سٸم رەسمي ٶكٸلٸ قازٸرگٸ ۋاقىتتا ينتەرنەتتە ٶزدەرٸن شەتەلدە جۇمىسقا ورنالاستىرۋ جٶنٸندەگٸ اگەنتتەر رەتٸندە جارنامالايتىن دەلدالداردىڭ كٶپ بولۋىنا بايلانىستى بارلىق ازاماتتاردى ساق بولۋعا شاقىردى.
