Qazirgi ýaqytta kóshi-qon daǵdarysyna bailanysty meksikalyq bilik óz shekarasyn baqylaýdy kúsheitýde, dep habarlaidy QazAqparat.
Bul týraly QR Syrtqy ister ministrliginde ótken baspasóz otyrysynda aityldy.
«Sonyń saldarynan álemniń kóptegen memleketteriniń azamattary Meksika aýmaǵyna jiberilmei, keri deportatsiialanýda. Osyǵan bailanysty Meksika shekarasynda qiyndyqtar týyndaýyn jáne josparlanǵan saparlardy shegerilýin boldyrmas úshin Meksikaǵa týristik jáne iskerlik saparlardy ýaqytsha toqtatýdy usynamyz», - deid QR SIM resmi ókili Aibek Smadiiarov.
Onyń aitýynsha, Meksikaǵa barý kerek bolǵan jaǵdaida Meksikanyń ýákiletti organdaryn aldyn ala jáne ýaqytyly habardar etý maqsatynda saiahatqa qatysty barlyq qosymsha aqparatty bere otyryp, Qazaqstannyń Meksikadaǵy elshiligine eskertken jón.
«Sondai-aq, kez kelgen eldiń memlekettik shekarasy arqyly ótý osy memlekettiń ishki saiasaty bolyp tabylady. Osyǵan bailanysty qazaqstandyq diplomatiialyq ókildik tarapynan járdem kórsetý Meksika aýmaǵyna erkin kirýge kepildik bermeitinine nazar aýdaramyz», - deidi ol.
Eske sala ketsek, buǵan deiin QR SIM-de ótken baspasóz otyrysynda QR Premer-ministri Asqar Mamin Niderland koroldigine resmi saparmen baratyny týraly jazǵan bolatynbyz.
