QR Syrtqy ister ministri Barselonadaǵy qylmystyń kóbeiýi týraly eskertti, dep habarlaidy QazAqparat.
Bul týraly QR Syrtqy ister ministrliginiń resmi ókili Aibek Smadiiarov málimdedi.
«Kataloniia ortalyǵynda urlyq pen tonaý jiilep ketkenine nazar aýdaramyz. Birneshe kún buryn Kataloniia politsiiasy Barselonanyń týristik aimaqtarynda qylmystyń óskeni týraly málimdeme jasady. Politsiianyń málimetinshe tek Barselona kóshelerinde osy jyly 5 331 tonaý áreketi jasalǵan. Barselonadaǵy QR Konsýldyǵynyń málimetinshe, 2019 jyldyń alǵashqy jarty jylynda zardap shekken azamattar sany eki esege artty», - dedi Aibek Smadiiarov QR SIM ótken brifingte.
2019 jyldyń bir ǵana shilde aiynda Qazaqstanǵa qaityp oralýǵa 24 tólqujat berilgen.
«Kóptegen adamdar tólqujattan jáne Shengen vizasymen saiahatty jalǵastyrý múmkindiginen aiyrylýda, sonymen qatar olar jeke zattaryn, aqshalai qarajaty men basqa materialdyq qundy buiymdaryn joǵaltady. Osyǵan bailanysty Barselonada qujattaryńyz ben zattaryńyzǵa saq bolýlaryńyzdy suraimyz. Elge ushyp keter aldynda qujat urlanǵanyn nemese qujattardy qalpyna keltirý faktisin rastaityn hattama alýdy jáne oqiǵa bolǵan jaǵdaida jaqyn mańdaǵy politsiia ýchaskesine júginýge keńes beremiz», - dedi QR SIM resmi ókili.
