قر سىرتقى ٸستەر مينيسترٸ بارسەلوناداعى قىلمىستىڭ كٶبەيۋٸ تۋرالى ەسكەرتتٸ, دەپ حابارلايدى قازاقپارات.
بۇل تۋرالى قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ مەلٸمدەدٸ.
«كاتالونييا ورتالىعىندا ۇرلىق پەن توناۋ جيٸلەپ كەتكەنٸنە نازار اۋدارامىز. بٸرنەشە كٷن بۇرىن كاتالونييا پوليتسيياسى بارسەلونانىڭ تۋريستٸك ايماقتارىندا قىلمىستىڭ ٶسكەنٸ تۋرالى مەلٸمدەمە جاسادى. پوليتسييانىڭ مەلٸمەتٸنشە تەك بارسەلونا كٶشەلەرٸندە وسى جىلى 5 331 توناۋ ەرەكەتٸ جاسالعان. بارسەلوناداعى قر كونسۋلدىعىنىڭ مەلٸمەتٸنشە, 2019 جىلدىڭ العاشقى جارتى جىلىندا زارداپ شەككەن ازاماتتار سانى ەكٸ ەسەگە ارتتى», - دەدٸ ايبەك سماديياروۆ قر سٸم ٶتكەن بريفينگتە.
2019 جىلدىڭ بٸر عانا شٸلدە ايىندا قازاقستانعا قايتىپ ورالۋعا 24 تٶلقۇجات بەرٸلگەن.
«كٶپتەگەن ادامدار تٶلقۇجاتتان جەنە شەنگەن ۆيزاسىمەن ساياحاتتى جالعاستىرۋ مٷمكٸندٸگٸنەن ايىرىلۋدا, سونىمەن قاتار ولار جەكە زاتتارىن, اقشالاي قاراجاتى مەن باسقا ماتەريالدىق قۇندى بۇيىمدارىن جوعالتادى. وسىعان بايلانىستى بارسەلونادا قۇجاتتارىڭىز بەن زاتتارىڭىزعا ساق بولۋلارىڭىزدى سۇرايمىز. ەلگە ۇشىپ كەتەر الدىندا قۇجات ۇرلانعانىن نەمەسە قۇجاتتاردى قالپىنا كەلتٸرۋ فاكتٸسٸن راستايتىن حاتتاما الۋدى جەنە وقيعا بولعان جاعدايدا جاقىن ماڭداعى پوليتسييا ۋچاسكەسٸنە جٷگٸنۋگە كەڭەس بەرەمٸز», - دەدٸ قر سٸم رەسمي ٶكٸلٸ.
