Búgin Qazaqstan Respýblikasy Prezidentiniń kómekshisi Aida Balaeva elorda ákimdiginiń ǵimaratynda azamattardy jeke máseleleri boiynsha qabyldady, dep habarlaidy "Ult aqparat" QR Prezidenti janyndaǵy OKQ-ǵa silteme jasap.
Qabyldaýǵa kelgen qala turǵyndary ártúrli baǵytqa qatysty máselerleri qozǵady. Olar - jumysqa ornalasý, áleýmettik járdemaqy alý, ataýly áleýmettik kómek taǵaiyndaý tártibi men turǵyn úi-kommýnaldyq sharýashylyǵyn qatysty máseleler. Azamattar tarapynan túsken suraqtardyń 70 %-ǵa jýyǵy turǵyn úi, áleýmettik qoldaý jáne bilim berý máselelerine qatysty boldy. Azamattardyń ótinishteri men usynystaryna jaýap bere otyryp, Aida Balaeva turǵyn úiler memlekettik turǵyn úi qorynan tek óz kezegimen beriletinin málimdedi. Sonymen qatar, turǵyn úimen jáne kez kelgen kómekpen qamtamasyz etý tek Qazaqstan Respýblikasynyń qoldanystaǵy zańnamasyna sáikes oryndalatynyn atap ótti. Mektepke deiingi bilim berý problemalaryn kótergen qala turǵyndarynyń arasynda balalardy mektep formasymen qamtamasyz etý máselesin qozǵaǵan analar da boldy. Qabyldaýda kóterilgen barlyq suraqtar naqtylanyp, olardyń sheshimderi baqylaýǵa alyndy. QR Prezidentiniń kómekshisi Aida Balaeva tiisti departament basshylaryna naqty tapsyrmalar berdi.
Aita keteiik, Aida Balaevamen jeke kezdesýge niet bildirýshilerdiń sany óte kóp boldy. Máselelerdiń kópshiligi qala ákimdigi deńgeiinde sheshilý múmkindigine qaramastan, turǵyndar Prezident kómekshisine degen senimdilikteri joǵary ekendigin kórsetti.
