Búgin QR Prezidenti Teleradiokesheniniń qyzmetkerleri Nur-Sultan qalasyndaǵy Shabal Beisekova atyndaǵy kóshe boiyndaǵy jańa alleiaǵa tal kóshetterin otyrǵyzdy, dep habarlaidy "Ult aqparat".
Is-shara QR Táýelsizdiginiń 30 jyldyǵyna orai uiymdastyryldy.
«70-ten astam aǵash egildi, úieńki, qaraǵash, qaraǵai, balqaraǵai, terek kóshetteri qalamyzdyń ekologiialyq aimaqtaryn keńeitýge arnalǵan alleialar sanyn kóbeitedi. Elimizdi keń aýqymdy kógaldandyrý qajet ekeni jaily Prezident Qasym-Jomart Toqaevtyń Joldaýynda aitylǵan, «5 jyl ishinde orman alqabynda 2 milliardtan astam jáne eldi mekenderde 15 million tal otyrǵyzylady»,– dedi Memleket basshysy.
QR Prezidenti Teleradiokesheni qyzmetkerleri jańa alleiaǵa kóshet otyrǵyzý bastamasyn tabiǵi resýrstardy kóbeitý, qorshaǵan ortaǵa uqypty qaraý isine jeke úles qosýǵa degen umtylyspen bailanystyrady.
Negizinde aǵash ósirýge kóp jyl ýaqyt kerek, sondyqtan árqaisymyz jasyl jelekterdi saqtaý úshin qoldan kelgenniń bárin jasaýymyz qajet. Taldardy kútip-baptaýdyń ári qorǵaýdyń erejeleri kúsheitilgeni de kezdeisoq emes. Eger buryn aǵashtardy kesý kezinde onyń ótemi «bir aǵashqa bes aǵashtan» keletin bolsa, qazir «bir aǵashqa on aǵash» dep bekitilgen.
Táýelsizdiktiń 30 jyldyǵy qarsańynda QR Prezidenti Teleradiokesheniniń qurylǵanyna 25 jyl tolǵaly otyr. Teleradiokesheniniń basshysy Raýshan Qajybaevanyń aitýynsha, Qazaqstannyń aqparattyq alańynda TRK qoǵamdyq-saiasi dokýmentalistikasynyń ózindik orny bar.
Shirek ǵasyr ishinde Qazaqstan memlekettiliginiń qalyptasýy men damý tarihy týraly baiandaityn 800-den astam derekti film túsirildi. Búginde mereitoi aiasynda «Qýatty óńirler – Qýatty Qazaqstan» arnaiy jobasy jáne «Men jáne meniń elim» taqyryptyq rolikter toptamasy júzege asyrylýda.
Sondai-aq, Raýshan Qajybaeva QR Prezidentiniń Teleradiokesheni qyzmetkerleriniń jańa alleiaǵa tal otyrǵyzýy El Táýelsizdiginiń 30 jyldyǵyn merekeleýge daiyndyq sharalaryna úles qosatynyn atap ótti.
