QR Prezidenti Pavlodar oblysynyń besinshi synyp oqýshysyna syilyq berdi, dep habarlaidy oblystyq ákimdiktiń baspasóz qyzmeti.
Eki apta buryn Ertis aýdanynan kelgen 10 jasar Mansur Baimusa Qasym-Jomart Toqaevqa hat jazyp, shahmat pen aǵylshyn tiline degen qyzyǵýshylyǵy týraly aityp bergen bolatyn.
Memleket basshysynyń jaýabyn oqýshyǵa Pavlodar oblysynyń ákimi Ábilqaiyr Sqaqov tapsyrdy. ⠀
- Ainalaiyn Mansur! Seniń hatyńdy yqylaspen oqyp shyqtym. Maǵan joldaǵan aq tilegindi shynaiy rizashylyqpen qabyldadym. Shahmatpen ainalysyp, aǵylshyn tilin de meńgerip júrsin, jaraisyń. Elimizde óziń siiaqty zerek ári úlgili balalar bolsyn dep tileimin. Keleshekte óz isiniń mamany bolyp, otanymyzǵa adal qyzmet etetinine kámil senemin. Ata-anańa meniń sálemimdi jetkiz. Armanyń árdaiym asqaq bolsyn, Mansur. Qurmetpen, Qasym-Jomart Kemeluly Toqaev, - delingen Memleket basshysynyń jaýabynda. ⠀
QR Prezidenti Qasym-Jomart Toqaev syilaǵan shahmat Mansurǵa tapsyryldy. ⠀
