Prezident Qasym-Jomart Toqaev saýda men aýyl sharýashylyǵyna jaýapty ministrlikterge otandyq ónimderdiń sapasyn halyqaralyq deńgeide moiyndatýǵa kúsh salýdy tapsyrdy, dep habarlaidy QazAqparat.
«Byltyr Qazaqstan 100-ge jýyq otandyq eksporttaýshyny Ali baba halyqaralyq internet paltformasyna shyǵardy. 4000-nan astam qazaqstandyq taýar atalymy halyqaralyq naryqqa jol aldy. Jabyq shekaralar jaǵdaiynda biz eksporttyq baǵyttarymyz jabyq qalǵan dástúrli salalardan jańa satyp alý naryqtaryna baǵdarlai aldyq. Mysaly, biz muzdatylǵan etti Qytai naryǵynan Ortalyq Aziia men Taiaý Shyǵys elderiniń naryǵyna baǵyttai aldyq», - dedi Prezident.
Sondai-aq, Prezident qazir tamaq ónimderin jetkizýdiń aiasyn keńeite túsý mańyzdy ekenin atady.
«Jalpy alǵanda, mal sharýashylyǵynyń sapaly ári ekologiialyq taza ónimin eksporttaý biz úshin basym baǵytqa ainalýy kerek. Otandyq ónimderdiń sapasy men qaýipsizdigi halyqaralyq deńgeide moiyndaýy mańyzdy. Bul másele Saýda jáne integratsiia ministrliginiń, Aýyl sharýashylyǵy ministrliginiń eksporttaýshylardy qoldaýdaǵy basty baǵyttarynyń birine ainalýy qajet», - dedi Memleket basshysy.
