Memleket basshysy Qasym-Jomart Toqaev Túrikmenstanda ótip jatqan Ortalyq Aziia memleketteri basshylarynyń konsýltativtik kezdesýine qatysýda, dep habarlaidy "Ult aqparat".
QR Prezidentiniń baspasóz hatshysy Berik Ýáli Facebook-tegi paraqshasynda osy sharaǵa qatysty birneshe sýretti jariialady.
Eske sala ketsek, TDH Túrikmenstannyń memlekettik aqparat agentiginiń habarlaýynsha, Ortalyq Aziia memleketteri basshylarynyń kezdesýi Kaspii jaǵalaýyndaǵy «Avaza» ulttyq týristtik aimaqta ótip jatyr.
Jaqynda mártebeli qonaqtar – Qazaqstan Respýblikasynyń Prezidenti Qasym-Jomart Toqaev, Qyrǵyzstan Respýblikasynyń Prezidenti Sadyr Japarov, Ózbekstan Respýblikasynyń Prezidenti Shavkat Mirzieev pen Tájikstan Respýblikasynyń Prezidenti Emomali Rahmon «Avaza» Ulttyq týristik aimaǵyna keldi. Tájik kóshbasshysynyń Konsýltativtik kezdesýge qatysýy onyń Túrikmenstanǵa memlekettik saparymen tuspa-tus keldi.
Ortalyq Aziia elderiniń Memlekettik týlarymen árlengen Túrikmenbashy qalasynyń Halyqaralyq áýejaiynda qalyptasqan salt-dástúr boiynsha mártebeli qonaqtardy nan jáne tuzben qarsy aldy.
Osy forýmnyń kún tártibine memleketaralyq áriptestiktegi negizgi baǵyttardy, sonymen qatar ózekti óńirlik jáne halyqaralyq taqyryptardy jandandyrýǵa qatysty kóptegen máseleler engizildi. Ol Ortalyq Aziia elderi yntymaqtastyǵynyń kezekti mańyzdy kezeńin, ózara is-qimyldyń tiimdi uzaq merzimdi tetikterin qalyptastyrýdy, birinshi kezektegi mindetterdi naqtylaýdy, óńirdiń turaqty damýy úshin qajetti jaǵdailar jasaýdy, onyń álemdik protsesterge jedel integratsiialanýyn bildiredi.
