QR Prezidenti Qasym-Jomart Toqaev «Ortalyq Aziia – QHR» sammitinde «Qytai men Ortalyq Aziia halyqtarynyń dostyǵy» forýmyn ótkizý bastamasyna qoldaý bildirdi, dep habarlaidy QazAqparat HAA.
«Sizdiń «Qytai men Ortalyq Aziia halyqtarynyń dostyǵy» forýmyn ótkizý bastamańyzdy qoldaimyz. Bilim berý, mádeniet jáne týrizm salasyndaǵy qazirgiden de tyǵyz áriptestik týraly bastamańyzdy da qoldaimyz. Biz sizdiń mamandardy oqytý kýrstaryn uiymdastyrý jáne soǵan qajetti qarajat bólý týraly aitqan usynyńyzǵa rizamyz», - dedi Memleket basshysy.
Qazaqstan Prezidenti bul sammittyń basty maqsattarynyń biri óńirdiń áleýetin nyǵaitý ekenin eske saldy.
«Qurmetti áriptester! Búgingi sammittiń negizgi mindetteriniń biri – Ortalyq Aziianyń áleýetin asha túsýdiń jańa tetikterin tabý. Óńirishilik áriptestik keiingi jyldary jańa deńgeige shyqty. Bul iste memleketterdiń senimge arqa súiegen dialogy, onyń ishinde turaqty konsýltativtik kezdesýler formatyndaǵy bailanystar negizgi ról atqarady», - dedi Prezident.
Aita keteiik, memleket basshysy Qasym-Jomart Toqaev «Ortalyq Aziia – QHR» sammitine qatysýda.
Sammitke QHR Tóraǵasy Si Tszinpin, Ózbekstan Prezidenti Shavkat Mirziioev, Qyrǵyzstan Prezidenti Sadyr Japparov, Túrikmenstan Prezidenti Gýrbangýly Berdimuhamedov, Tájikstan Prezidenti Emomali Rahmon beinekonferentsiia rejiminde qatysyp otyr.
