Memleket basshysy «Qazatomónerkásip» ulttyq atom kompaniiasy» aktsionerlik qoǵamyn basqarmasynyń tóraǵasy Ǵalymjan Pirmatovty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Nursultan Nazarbaev Qazaqstandaǵy iri ulttyq kompaniialardyń biri sanalatyn «Qazatomónerkásip» kompaniiasy álemdik atom ónerkásibi salasynda mańyzdy oryn alatynyn atap ótti.
«Qazatomónerkásip» ulttyq atom kompaniiasy» aktsionerlik qoǵamy basqarmasynyń tóraǵasy Qazaqstan Prezidentine kompaniia jumysynyń negizgi qorytyndylary men perspektivalary jóninde baiandady.
«Biz álemdik atom salasyndaǵy jaǵdaidy muqiiat saralap, damýdyń jańa strategiiasyn qabyldadyq. 2017 jyly jáne biylǵy 8 aida kompaniia óndiristik jáne qarjylyq josparlarynyń bárin oryndady. Osy jyly tólenetin dividentter byltyrǵy jylmen salystyrǵanda 2 ese artady dep boljap otyrmyz», - dedi Ǵ.Pirmatov.
«Qazatomónerkásip» kompaniiasy basshysynyń málimetine sáikes, biyl ýran satý kólemi sońǵy úsh jyldaǵy ortasha kórsetkishten joǵary bolmaq. Nátijesinde kompaniia álemdik naryqta óndiris aýqymy jaǵynan ǵana emes, sondai-aq satý kólemi jóninen de iri kásiporynǵa ainalady. Kezdesý sońynda Memleket basshysy birqatar naqty tapsyrma berdi.
