Qazaqstan Respýblikasynyń Prezidenti Nursultan Nazarbaev QR Parlament Senatynyń tóraǵasy Qasym-Jomart Toqaevty qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Memleket basshysyna Parlamenttiń joǵary palatasynyń VI shaqyrylymy úshinshi sessiiasynyń negizgi qorytyndylary men aldaǵy sessiiada qarastyratyn zań jobalary jumystarynyń jospary baiandaldy.
«Aldaǵy sessiiada ekonomika salasyna qatysty aýqymdy zań jobalaryn jáne birqatar halyqaralyq qujattardy qarastyrý josparlanǵan. Úkimet kóptegen zańnamalyq bastamalar ázirlep jatyr. Bizge solarmen jumys jasaý qajet. Sonymen qatar, buǵan deiin qabyldanǵan infraqurylymdyq jáne indýstriialyq damý baǵdarlamalaryn, Prezidenttiń bes áleýmettik bastamasyn júzege asyrý jónindegi jumystardy jalǵastyra beremiz», - dedi Nursultan Nazarbaev.
Qasym-Jomart Toqaev ótken sessiiasynyń qorytyndysy boiynsha Senat depýtattary salyq, kedendik retteý, biýdjettik basqarý jáne basqa da salalarǵa qatysty 84 zań qabyldaǵanyn málimdedi.
Qazaqstan Prezidenti Kaspii teńiziniń quqyqtyq mártebesin anyqtaý jónindegi Konventsiiany ratifikatsiialaýǵa bailanysty ótken Kaspii mańy memleketteriniń Besinshi sammitiniń nátijelerine arnaiy toqtaldy.
«Bes memlekettiń basshylary 20 jyl boiy talqylaǵan Kaspii teńiziniń konventsiiasyna qol qoidy. Aqtaý qalasy men Mańǵystaý oblysyn odan ári damytýǵa, óńirde jańa jumys oryndaryn ashyp, qyzmet kórsetý jáne týrizm salalaryn ilgeriletýge septigin tigizetin bul sheshimniń zor mańyzyn búkil halyqaralyq sarapshylar atap kórsetýde», - dedi Memleket basshysy.
