Iran biliginiń iýe apatyna bailanysty óz kinásin moiyndaýy mańyzdy sheshim boldy. Bul týraly búgin QR Prezidenti Qasym-Jomart Toqaev óziniń Twitter-degi paraqshasynda jazdy, dep habarlaidy "Ult aqparat".
«Iran biliginiń birqatar memleket azamattarynyń ómirin qiǵan áýe apaty úshin óz kinásin moiyndaýy - mańyzdy sheshim boldy. Beibit azamattardy da qurban qylatyn shielenisti báseńdetý úshin, qalyptasyp otyrǵan jaǵdaida barlyq taraptar ustamdylyq tanytýy kerek», - dep jazdy Memleket basshysy.
Osyǵan deiin Iranda 180 jolaýshysy bar Ýkraina ushaǵy qulaǵany týraly málim boldy.
Artynan Qazaqstannyń Syrtqy ister ministrligi ushaqta Qazaqstan azamattarynyń joq ekenin habarlady.
Tegeranda qulaǵan Ýkraina ushaǵyndaǵy jolaýshylardyń barlyǵy mert bolǵany anyqtaldy.
Kanada premer-ministri Iran jolaýshylar lainerin abaisyzda atyp jiberý múmkin degen boljamyn jariialady.
Al keshe Iran Iran Qarýly Kúshteriniń Bas shtaby Tegeran mańynda qulaǵan ushaqty Irannyń Áýe qorǵanys kúshteri qyzmeti zymyranmen baiqaýsyzda atyp túsirgenin málimdedi.
Iran Prezidenti Hasan Roýhani Ýkraina ushaǵynyń qulaýyna kináliler qylmystyq jaýapqa tartylatynyn aitty.
