يران بيلٸگٸنٸڭ ٸۋە اپاتىنا بايلانىستى ٶز كٸنەسٸن مويىنداۋى ماڭىزدى شەشٸم بولدى. بۇل تۋرالى بٷگٸن قر پرەزيدەنتٸ قاسىم-جومارت توقاەۆ ٶزٸنٸڭ Twitter-دەگٸ پاراقشاسىندا جازدى, دەپ حابارلايدى "ۇلت اقپارات".
«يران بيلٸگٸنٸڭ بٸرقاتار مەملەكەت ازاماتتارىنىڭ ٶمٸرٸن قيعان ەۋە اپاتى ٷشٸن ٶز كٸنەسٸن مويىنداۋى - ماڭىزدى شەشٸم بولدى. بەيبٸت ازاماتتاردى دا قۇربان قىلاتىن شيەلەنٸستٸ بەسەڭدەتۋ ٷشٸن, قالىپتاسىپ وتىرعان جاعدايدا بارلىق تاراپتار ۇستامدىلىق تانىتۋى كەرەك», - دەپ جازدى مەملەكەت باسشىسى.
وسىعان دەيٸن يراندا 180 جولاۋشىسى بار ۋكراينا ۇشاعى قۇلاعانى تۋرالى مەلٸم بولدى.
ارتىنان قازاقستاننىڭ سىرتقى ٸستەر مينيسترلٸگٸ ۇشاقتا قازاقستان ازاماتتارىنىڭ جوق ەكەنٸن حابارلادى.
تەگەراندا قۇلاعان ۋكراينا ۇشاعىنداعى جولاۋشىلاردىڭ بارلىعى مەرت بولعانى انىقتالدى.
كانادا پرەمەر-مينيسترٸ يران جولاۋشىلار لاينەرٸن ابايسىزدا اتىپ جٸبەرۋ مٷمكٸن دەگەن بولجامىن جارييالادى.
ال كەشە يران يران قارۋلى كٷشتەرٸنٸڭ باس شتابى تەگەران ماڭىندا قۇلاعان ۇشاقتى يراننىڭ ەۋە قورعانىس كٷشتەرٸ قىزمەتٸ زىمىرانمەن بايقاۋسىزدا اتىپ تٷسٸرگەنٸن مەلٸمدەدٸ.
يران پرەزيدەنتٸ حاسان روۋحاني ۋكراينا ۇشاعىنىڭ قۇلاۋىنا كٸنەلٸلەر قىلمىستىق جاۋاپقا تارتىلاتىنىن ايتتى.
