Eýraziialyq ekonomikalyq odaq elderiniń transshekaralyq kólik arteriialary men logistikalyq habtarynyń áleýetin damytý kerek. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Transshekaralyq kólik arteriialary men logistikalyq habtardyń áleýetin damytý da mańyzdy. Eýraziialyq ekonomikalyq odaqty «Beldeý men jol» bastamasymen túiindestirý jáne zamanaýi logistikalyq infraqurylymdardy qalyptastyrý odaqtyń álemdik taýar aǵynyndaǵy ekonomikalyq yqpalyn aitarlyqtai kúsheite túsedi», - dedi Qasym-Jomart Toqaev Joǵary Eýraziialyq ekonomikalyq keńes otyrysynda.
Memleket basshysynyń atap ótýinshe, EAEO elderi qazirdiń ózinde infraqurylymdyq jáne kóliktik jobalar toptamasyn ázirlep otyr.
«Olardy júzege asyrýdy jeteldetýmen qatar shekaralyq kólik aǵyndaryna qyzmet kórsetý baǵasyna tartymdy tarif qurý da mańyzdy. Buǵan deiin de aitqanymdai, kólik vedomstvolaryn barynsha tyǵyz yntymaqtastyqqa shaqyramyn. Buǵan qosa, komissiia barlyq memlekettermen birge kólik dálizderine, kedergilerge keshendi sholý jasap, olardy joiý boiynsha naqty is-sharalar usyna alar edi dep sanaimyn», - dedi QR Prezidenti.
