Eýraziialyq ekonomikalyq odaq elderiniń azyq-túlik qaýipsizdigin qamtamasyz etetin qujat qabyldaýy qajet. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Eń aldymen azyq-túlik qaýipsizdigi máselesi. Bul problema jahandyq ózektilikke ie bolyp otyr. Búginde Jer sharynyń árbir 10-shy turǵyny, iaǵni 700 mln-nan astam adam azyq-túlik jetispeýshiliginen zardap shegip otyr. Árine, bizdiń elderimizdegi ahýal áldeqaida jaqsy. Biraq, álemdik baǵa ósiminiń qysymyn qazirdiń ózinen-aq naryqtarymyz sezine bastady. Problema shielenisýi jyldan jylǵa arta túsetin bolady», - dedi Qasym-Jomart Toqaev Joǵary Eýraziialyq ekonomikalyq keńes otyrysynda.
QR Prezidenti buǵan jaýap retinde Eýraziialyq ekonomikalyq komissiia odaq elderimen birlesip, azyq-túlik qaýipsizdigin qamtamasyz etýdiń ortaq printsipteri men ádisteriniń jobasyn ázirlegendigin aitty.
«Qujat azyq-túlik taýarlarymen qamtamasyz etýge, tapshylyq týyndaý táýekelderin tómendetýge, sonymen qatar agroónerkisip kesheninde qoldanylatyn materialdyq-tehnikalyq resýrstardyń importty almastyrýyna baǵyttalǵan is-sharalardy kózdeidi. Bul qujatttyń mańyzdylyǵyn eskere otyryp, ony Almatyda ótetin otyrysta bekitýdi usynamyn. Qujat júieli, is júzindegi ózara is-qimylǵa baǵyttalǵan jáne naqty áleýmettik-ekonomikalyq nátijeli bolý tiis», - dedi QR Prezidenti.
