Qasym-Jomart Toqaev Shyǵys Eýropadaǵy ekonomikalyq qatynastar jónindegi nemis komitetiniń burynǵy tóraǵasy, «Báiterek» UBH» aktsionerlik qoǵamynyń táýelsiz direktory Klaýs Mangoldti qabyldady, dep habarlaidy Aqorda.
Kezdesý barysynda taraptar Qazaqstan men Germaniia arasyndaǵy saýda-ekonomikalyq jáne investitsiialyq yntymaqtastyqtyń qazirgi jaǵdaiy men keleshegin talqylady. Sondai-aq, álem ekonomikasynyń damýyna qatysty ózekti máseleler jóninde pikir almasty.
Qasym-Jomart Toqaev tsifrlandyrý jáne jasandy intellekt salasyndaǵy nemis biznesiniń ókilderimen ózara yqpaldastyqty nyǵaitýdyń mańyzdylyǵyna nazar aýdardy.
Klaýs Mangold Memleket basshysyna jyl sońynda Germaniiada qazaq-nemis kásipkerleriniń qatysýymen iri biznes-forým uiymdastyrý týraly josparyn aitty.
