Memleket basshysy Atyraý oblysynyń ákimi Nurlan Noǵaevty qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Qasym-Jomart Toqaevqa oblystyń áleýmettik-ekonomikalyq damýy jáne óńirdegi qoǵamdyq-saiasi ahýal jóninde málimet berildi. Sondai-aq, Prezidentke turǵyndardyń ál-aýqatyn arttyrý boiynsha berilgen tapsyrmalardyń oryndalý barysy týraly baiandaldy.
Memleket basshysy aldaǵy ýaqytta da Atyraý oblysynyń damý qarqynyn saqtap, odan ári arttyrý, óńir infraqurylymyn jańǵyrtý qajet ekenin atap ótti.
Sońynda Qasym-Jomart Toqaev oblys ákimine áleýmettik turmysy tómen turǵyndar tobyna jan-jaqty qoldaý kórsetýdi, sondai-aq barlyq salalyq baǵdarlamalardyń ýaqytyly júzege asyrylýyn qamtamasyz etýdi tapsyrdy.
