Almatynyń innovatsiia boiynsha kóshbasshy atanýǵa tolyq múmkindigi bar. Bul týraly QR Prezidenti Qasym-Jomart Toqaev Almaty qalasyn odan ári damytý máseleleri jóninde keńes barysynda aitty, dep habarlaidy "Ult aqparat".
Jiynda Prezident Almatyny damytýdaǵy mańyzdy mindetterdiń biri retinde sheteldik investitsiialardy qorǵaý ekendigine nazar aýdardy.
Osy rette Memleket basshysy investorlardyń elimizde biznesterin jaily júrgizýi ekonomikanyń tabysty damýyna jáne azamattardyń ál-aýqatyna yqpal etetinin eskertti.
– Investorlarmen durys qarym-qatynas memlekettik organdar úshin mindet bolýǵa tiis. Sondyqtan quqyq qorǵaý organdary men basqa da ókiletti qurylymdarǵa investorlardyń jumysyna negizsiz aralasýǵa bolmaitynyn eskertemin, – dedi Prezident.
Sondai-aq Memleket basshysy óz sózinde qalanyń innovatsiialyq saladaǵy alatyn ornyn nyǵaitý qajettigine toqtaldy.
Qasym-Jomart Toqaevtyń pikirinshe, Almatynyń atalǵan salada kóshbasshy bolýǵa tolyq múmkindigi bar. Buǵan Innovatsiialyq tehnologiialar parkiniń áleýeti, elimizdiń jetekshi joǵary oqý oryndarynyń jáne venchýrlyq kapitaldyń aitarlyqtai bóliginiń osynda shoǵyrlanýy septigin tigizedi.
